ക്ളാസിൽ കയറാതെ ഉഴപ്പും, സംഘടനാ പ്രവർത്തനവുമായി നടന്ന എസ്.എഫ്.ഐ നേതാവിനു ഹാജർ രേഖപെടുത്തണം എന്നാവശ്യപ്പെട്ട് മാധവ കവി സ്മാരക ഗവ. ആർട്സ് ആൻഡ് സയൻസ് കോളജിൽ സംഘട്ടനം. എസ്.എഫ്.ഐ പ്രവർത്തകർ പ്രിൻസിപ്പാളുടെ മുറിയിൽ കയറി നേതാവിനു ഹാജർ നല്കണം എന്നാവശ്യപ്പെട്ട് ഭീഷണിപെടുത്തുകയും തടഞ്ഞ് വയ്ക്കുകയും ചെയ്തു. സംഭവത്തിൽ യൂണിയൻ ചെയർമാൻ ഉൾപ്പെടെ അഞ്ച് എസ്എഫ്ഐ പ്രവർത്തകരെ അന്വേഷണ വിധേയമായി കോളേജിൽ നിന്നുംസസ്പെൻഡ് ചെയ്തു.
വിവരം പുറത്തായതോടെ എസ്.എഫ്.ഐ നേതൃത്വവും വെട്ടിലായി. കോളജ് യൂണിയൻ മുൻ ജനറൽ സെക്രട്ടറിസൗരവിന് ഹാജർ കുറവായതിനാൽ സർവകലാശാല പരീക്ഷ എഴുതാനുള്ള അനുമതി ലഭിക്കുകയില്ല. 65 % ഹാജർ ഉണ്ടെങ്കിലേ പരീക്ഷ എഴുതാൻ സാധിക്കൂ. അല്ലാത്ത പക്ഷം റോൾ ഔട്ട് ആകും. പക്ഷേ, സൗരവിന് 17 % മാത്രമ‌േ ഹാജർ ഉള്ളൂ എന്ന് അധ്യാപകർ പറഞ്ഞു. സൗരവിന് ഹാജർ കൂട്ടി നൽകണം എന്നാവശ്യപ്പെട്ടു എസ്എഫ്ഐ പ്രവർത്തകർ ചെയർമാന്റെ നേതൃത്വത്തിൽ പ്രിൻസിപ്പലിന്റെ ക്യാബിനിലേക്കു അതിക്രമിച്ചു കയറിയത്.
അനധികൃതമായി ഹാജർ നൽകാൻ തയാറല്ലെന്നു പ്രിൻസിപ്പലും ഇംഗ്ലിഷ് ഡിപ്പാർട്‌മെന്റ് അധ്യാപകരും അറിയിച്ചതോടെ പ്രവർത്തകർ ഭീഷണി മുഴക്കി. പ്രിൻസിപ്പലിനോട് കയർത്തു അപമര്യാദയായി പ്രവർത്തകർ സംസാരിച്ചു. പലതവണ ഓഫിസ് മുറിയിൽ അതിക്രമിച്ചു കയറി ഇത് ആവർത്തിച്ചു. ഉച്ചയ്ക്കു നടക്കുന്ന രണ്ടാം വർഷ വിദ്യാർഥികളുടെ സർവകലാശാല പരീക്ഷ തടസ്സപ്പെടുത്തുമെന്നു ഭീഷണിപ്പെടുത്തി .പിന്നാലെ ആണ് പ്രിൻസിപ്പൽ പൊലീസിനെ സമീപിച്ചത്.പ്രിൻസിപ്പാളിനെതിരെ വധ ഭീഷണി വരെ നിലനില്ക്കുകയാണ്‌.അതും വനിതാ പ്രിൻസിപ്പാളാണ്‌ എന്നതു പോലും എസ്.എഫ്.ഐ നേതാക്കൾ ഓർക്കാൻ മറന്നു. മാനസീക സമ്മർദ്ദത്തിലും ഭയത്തിലും ആയ പ്രിൻസിപ്പാൾ ജോലി പോലും ചെയ്യാൻ ആവാത്ത വിധം ഭീതിയിലാണ്‌.
യൂണിയൻ ചെയർമാനായ രണ്ടാം വർഷ ബികോം വിദ്യാർഥി അജിത് ബാബു, മുൻ ജനറൽ സെക്രട്ടറി മൂന്നാം വർഷ ബിഎ ഇംഗ്ലിഷ് വിദ്യാർഥി സൗരവ്, മുൻ ചെയർമാൻ മൂന്നാം വർഷ ബിഎസ്‌സി വിദ്യാർഥി അജയ്, മാഗസിൻ മുൻ എഡിറ്റർ മൂന്നാം വർഷ ബിഎ ഇംഗ്ലിഷ് പഠിക്കുന്ന ഐശ്വർ കൃഷ്ണ, പ്രവർത്തകനായ മൂന്നാം വർഷ ബിഎ ഇംഗ്ലിഷ് വിദ്യാർഥി അദിത് ചന്ദ്രൻ എന്നിവരെയാണ് അടുത്ത മാസം ഒന്ന് വരെ സസ്പെൻഡ് ചെയ്തത്. ഇവരുടെ ഭീഷണി തുടരുന്ന സാഹചര്യത്തിൽ പ്രിൻസിപ്പൽ ചാന്ദിനി മലയിൻകീഴ് പൊലീസിൽ രേഖാമൂലം വിവരങ്ങൾ അറിയിച്ചു. കോളജിന്റെ സുഗമമായ നടത്തിപ്പിന് പൊലീസിന്റെ സഹായവും തേടി.
കണ്ണൂർ : ബോംബ് നിർമാണത്തിനിടെ കൊല്ലപ്പെട്ടവർക്ക് സ്മാരകം പണിയുന്നതിനെക്കുറിച്ചുള്ള ചോദ്യങ്ങളിൽ നിന്ന് ഒഴിഞ്ഞു മാറി സിപിഎം സംസ്ഥാന സെക്രട്ടറി എം.വി.ഗോവിന്ദൻ…
തിരുവനന്തപുരം : തെക്കന്‍ ആന്‍ഡമാന്‍ കടലിലേക്ക് കാലവര്‍ഷം എത്തിയതായി കേന്ദ്ര കാലാവസ്ഥ വകുപ്പ്. മെയ് അവസാനത്തോടെ കേരളത്തില്‍ കാലവര്‍ഷം എത്തുമെന്നാണ്…
തിരുവനന്തപുരം: ഇന്‍വെര്‍ട്ടര്‍ പ്രവര്‍ത്തിപ്പിക്കുകയോ ഗ്യാസ് അടുപ്പ് കത്തിക്കുകയോ ചെയ്യരുത്. മംഗലപുരത്ത് പാചക വാതക ടാങ്കര്‍ അപകടത്തില്‍പ്പെട്ടതിനെ തുടര്‍ന്ന് പ്രദേശവാസികള്‍ക്ക് മുന്നറിയിപ്പുമായി…
റാന്നി : പഞ്ചായത്ത് അംഗത്തിന്റെ വീടിന് തീയിട്ടതായി പരാതി. തീയിട്ടത് പഞ്ചായത്ത് അംഗം ഗീത സുരേഷിന്റെ ആൾത്താമസമില്ലാത്ത വീടിനാണ്. അയൽവാസി…
ശ്രീനഗർ: ജമ്മുകശ്മീരിലേക്കെത്തുന്ന വിനോദസഞ്ചാരികളെ ലക്ഷ്യമിട്ട ഭീകരാക്രമണമാണ് കഴിഞ്ഞദിവസം നടന്നതെന്ന് ബിജെപി നേതാവ് കവിന്ദർ ഗുപ്ത. കശ്മീരികളുടെ വരുമാന മാർഗമായ വിനോദസഞ്ചാര…
ന്യൂഡല്‍ഹി: ബിജെപി വളര്‍ന്ന് സ്വയംപര്യാപ്തത കൈവരിച്ചു, ആര്‍എസ്എസിന്റെ ആവശ്യകതയില്‍ നിന്നുമാറിയെന്ന് പാര്‍ട്ടി അധ്യക്ഷന്‍ ജെ.പി.നഡ്ഡ.അടല്‍ ബിഹാരി വാജ്‌പേയിയുടെ കാലത്തും ഇപ്പോഴും…