മലപ്പുറം: വിവാഹ വീടുകളിൽ മോഷണം നടത്തുന്ന ഷാജഹാൻ എന്ന മണവാളൻ ഷാജഹാൻ പോലീസ് പിടിയിൽ. ആന്ധ്രാപ്രദേശിലെ നല്ലചെരു എന്ന ഗ്രാമത്തിലെ ഒളിസങ്കേതത്തിൽ നിന്നുമാണ് ഇയാൾ പിടിയിലായത് നവംബർ 13ന് കൽപ്പകഞ്ചേരി പോലീസ് സ്റ്റേഷൻ പരിധിയിലെ പാറമ്മൽ അങ്ങാടി എന്ന സ്ഥലത്തെ കല്യാണവീട്ടിൽ നിന്നും എട്ട് ലക്ഷം രൂപയും 20 പവനും കവർന്നാണ് ഇയാൾ കടന്നത്. സിസിടിവി ദൃശ്യങ്ങൾ പരിശോധിച്ച് പ്രതി ഷാജഹാൻ ആണെന്ന് തിരിച്ചറിഞ്ഞതിനെ തുടർന്നാണ് ഇയാൾക്കായുള്ള തിരച്ചിൽ ആരംഭിച്ചത്.
മോഷ്ടിച്ച സ്വർണവും പണവും ഉപയോഗിച്ച് രാജ്യമൊട്ടാകെ കറങ്ങി ആഡംബര ജീവിതം നയിച്ചുവരുന്നതാണ് പ്രതിയുടെ രീതി. പണം തീർന്നാൽ വീണ്ടും കേരളത്തിലെത്തി മോഷണം നടത്തി അന്യസംസ്ഥാനങ്ങളിൽ ഒളിവിൽ കഴിയും. പോലീസിൻ്റെ പരമ്പരാഗതവും ആധുനികവുമായ അന്വേഷണരീതികൾ ഉപയോഗിച്ചാണ് പ്രതിയെ പിടികൂടിയത്.
ഒക്ടോബർ 10-ന് കോയമ്പത്തൂർ സെൻട്രൽ ജയിലിൽ നിന്ന് പ്രതി പുറത്തിറങ്ങിയതായി മനസ്സിലാക്കുകയും തുടർന്ന് പോലീസ് പ്രതിയുടെ അന്തർ സംസ്ഥാനബന്ധങ്ങളെ കുറിച്ച് അന്വേഷിച്ചതിൽ പ്രതിക്ക് രാജ്യത്തിന്റെ വിവിധ സംസ്ഥാനങ്ങളിൽ ഒളിസങ്കേതം ഉണ്ടെന്ന് കണ്ടെത്തുകയും ചെയ്തു. ആന്ധ്രാപ്രദേശിലെ നല്ല ചെരുവിൽ നിന്നും 28 കിലോമീറ്റർ മാറി മാവോയിസ്റ്റ് സാന്നിധ്യമുള്ള മലഞ്ചെരുവിലെ ആദിവാസി ഊരിലാണ് ഷാജഹാൻ ഒളിവിൽ കഴിഞ്ഞിരുന്നത്.
മലപ്പുറം ജില്ലാ പോലീസ് മേധാവി സുജിത്ത് ദാസി ന്റെ നേതൃത്വത്തിലായിരുന്നു അന്വേഷണം. താനൂർ ഡെപ്യൂട്ടി പോലീസ് സൂപ്രണ്ട് മൂസ വള്ളിക്കാടന്റെ നിർദേശപ്രകാരം കല്പകഞ്ചേരി എസ്ഐ ജലീൽ കറുത്തേടത്ത്, സിപിഒ ഹരീഷ്, താനൂർ DANSAF അംഗങ്ങളായ ജിനേഷ്, ശബറുധീൻ, അഭിമന്യു, വിപിൻ, ആൽബിൻ എന്നിവർ ചേർന്ന് ഒളിസങ്കേതത്തിൽ എത്തി അതിസാഹസികമായാണ് പ്രതിയെ പിടികൂടിയത്. എഎസ്ഐ രവി, എസ് സിപിഒ ഷംസാദ് എന്നിവരും അന്വേഷണസംഘത്തിലുണ്ട്.
ന്യൂഡല്ഹി: ട്രെയിന് യാത്രയ്ക്കിടെ പൊന്നാനി സ്വദേശിയായ യാത്രക്കാരന് മരിച്ചത് ബര്ത്ത് പൊട്ടിവീണിട്ടാണെന്ന റിപ്പോര്ട്ടുകള് തള്ളി റെയില്വേ. ബര്ത്ത് പൊട്ടി വീണല്ല…
കോഴിക്കോട് : ആരോഗ്യപ്രശ്നങ്ങളെ തുടർന്ന് ആശുപത്രിയിൽ പ്രവേശിപ്പിച്ച പന്ത്രണ്ടുവയസുകാരന് അമീബിക് മസ്തിഷ്ക ജ്വരത്തിന്റെ ലക്ഷണങ്ങൾ. ഫറൂഖ് കോളേജ് ഇരുമൂളിപ്പറമ്പ് സ്വദേശിയെയാണ്…
ലോക്സഭയിലെ പ്രതിപക്ഷ നേതാവെന്ന നിലയിൽ രാഹുൽ ഗാന്ധി ചമതല ഏറ്റെടുത്തു. ഒരു പതിറ്റാണ്ടിനു ശേഷമാണ് കോൺഗ്രസ് ഇത് തിരിച്ച് പിടിക്കുന്നത്.ഇനി…
ന്യൂഡൽഹി∙ ഭരണഘടനയെ പാർലമെന്റിൽ കൊണ്ടുനടക്കുകയും നാടകം കളിക്കുകയും ചെയ്യുന്നവരുടെ തെറ്റായ പ്രവൃത്തികൾ സെപ്റ്റംബർ 6ന് വെളിപ്പെടുമെന്ന് നടിയും ലോക്സഭാംഗവുമായ കങ്കണ…
മലപ്പുറം: എടവണ്ണയിൽ ഓടിക്കൊണ്ടിരിക്കെ ഇലക്ട്രിക് സ്കൂട്ടർ കത്തിനശിച്ചു. രാവിലെ 10.30- ഓടെ പത്തപ്പിരിയം വായനശാലക്ക് സമീപമാണ് സംഭവം. എടവണ്ണ പുള്ളാട്ട്…
മലപ്പുറം വെളിമുക്ക് പടിക്കലിൽ പിതാവിനെയും ഒരു വയസ്സുള്ള മകളെയും കാണാതായതായി പരാതി. പടിക്കൽ പള്ളിയാൾമാട് സ്വദേശി ആലിങ്ങൽതൊടി മുഹമ്മദ് സഫീർ…