ഞാൻ നല്ല കാര്യം ചെയ്താലും അതെല്ലാം മഞ്ജുവിന് ബോറാണ്, അവൾ പറയുന്നതേ നടക്കൂ, മഞ്ജുവിനെക്കുറിച്ച് സുനിച്ചൻ

മലയാളികളുടെ പ്രിയപ്പെട്ട നടിയാണ് മഞ്ജു പത്രോസ്. വെറുതെ അല്ല ഭാര്യ എന്ന റിയാലിറ്റി ഷോയിലൂടെയായിരുന്നു മഞ്ജുവിന്റെ തുടക്കം. പിന്നീട് മനിസ്‌ക്രീനിലും ബിഗ്‌സ്‌ക്രീനിലുമായി താരം പ്രേക്ഷകർക്ക് മുന്നിൽ എത്തി. എന്നാൽ ബിഗ് ബോസ് സീസൺ രണ്ടിൽ എത്തിയതോടെ താരം ചില വിവാദങ്ങളിലും പെട്ടിരുന്നു. താരത്തിനെതിരെ സൈബർ ആക്രമണവും രൂക്ഷമായിരുന്നു. ഇപ്പോഴും സോഷ്യൽ മീഡിയകളിൽ ഓരോ പോസ്റ്റുമായി എത്തുമ്പോൾ നെഗറ്റീവ് കമന്റുകൾ പതിവാണ്. ഭർത്താവുമായി മഞ്ജു വേർപിരിയുന്നു എന്നും വാർത്തകൾ പ്രചരിച്ചിരുന്നു. ബിഗ്‌ബോസിൽ മഞ്ജു പുറത്താകുന്നതിന് മുമ്പേ ഈ പ്രചരണങ്ങൾ നടന്നിരുന്നു. ഇതെല്ലാം അടിസ്ഥാനരഹിതമാണെന്ന് പലവട്ടം മഞ്ജു തുറന്നു പറഞ്ഞിട്ടുണ്ട്.

ഇപ്പോഴിതാ താരത്തിന്റെ ഭർത്താവ് സുനിച്ചൻ വെറുതെ അല്ല ഭാര്യ എന്ന റിയാലിറ്റിഷോയിൽ പറഞ്ഞ വാക്കുകൾ ആണ് വൈറലായി മാറുന്നത്. എന്തെങ്കിലും ഒരു സംഭവം നമ്മൾ ചെയ്യുമ്പോൾ അതിന് എന്തെങ്കിലും ഒരു മുടക്ക് ന്യായവുമായി ഇവൾ വരും. ഒരു സ്കിറ്റ് ഞാൻ സ്ക്രിപ്റ്റ് എഴുതി വച്ചിരിക്കുയാണ്, അതിനെകുറിച്ച് ഞാൻ പറയുമ്പോൾ, ഒറ്റ വെട്ടിന് നമ്മളെ തീർക്കാൻ എന്നപോലെയാണ് ഇവളുടെ മറുപടി വരുന്നത്

നമ്മൾ എന്തെങ്കിലും ചെയ്യുമ്പോൾ അതൊക്കെ ബോർ ആണെന്നും, ഇവൾ പറയുന്ന സംഭവം മാത്രമേ പിന്നെ നടക്കാറുള്ളൂവെന്നും സുനിച്ചൻ പറയുന്നു. ഞാൻ എപ്പോഴും ഇവളുടെ അടുത്തുണ്ടാകണം. നമ്മൾ എവിടെ ചെന്നാലും ഇവളുടെ അടുത്തിരിക്കണം. കല്യാണം കഴിഞ്ഞു പുതുമോടികൾ നടക്കില്ലേ അതുപോലെ ഇവൾക്ക് ഇപ്പോഴും നടക്കണം. എനിക്ക് ആണേങ്കിൽ കൈയ്യിൽ പിടിച്ചു നടക്കുന്നതേ ഇഷ്ടമല്ല എന്നും സുനിച്ചൻ പറയുന്നുണ്ട്. ഇവിടെ ഷോയിൽ വന്നേക്കുന്നത് കൊണ്ട് നാട്ടിൽ ചെല്ലുമ്പോഴല്ലേ കൂട്ടുകാരെ കാണുന്നത്. ആ കുറച്ചു സമയം മാത്രമാണ് ഇവളെ ഞാൻ മാറ്റി നിർത്തുക.

ഞങ്ങൾ തമ്മിലുള്ള വഴക്കുകളിൽ ഞാൻ മുൻകൈ എടുക്കുന്നതുകൊണ്ടാണ് പ്രശ്നങ്ങൾ തീരുന്നതെന്നും, സുനിച്ചൻ പറയുന്നു. ഒരു രാത്രി വരെയേ പ്രശ്നങ്ങൾ വച്ചേക്കാവൂ എന്ന്. എന്നാൽ ഞാൻ മുൻകൈ എടുത്തില്ലെങ്കിൽ ഞങ്ങളുടെ വഴക്ക് മാസങ്ങളോളം പോയേക്കാം എന്നും മഞ്ജു പത്രോസ് പറയുന്നു. മിക്കപ്പോഴും ഇവളുടെ പ്രശ്നം കൊണ്ടാണ് വഴക്ക് ഉണ്ടാകുന്നത് എന്ന മറുപടിയാണ് സുനിച്ചൻ നൽകുന്നത്.