തിരുവനന്തപുരം: നടുമങ്ങാട് ഫ്ലാറ്റിനുള്ളില് യുവാവിനെയും യുവതിയെയും മരിച്ച നിലയില് കണ്ടെത്തിയ സംഭവത്തില് കൂടുതല് വിവരങ്ങള് പുറത്ത്. ആനാട് സ്വദേശികളായ ബിന്ദു എന്ന 29കാരിയും അഭിലാഷ് എന്ന 38കാരനുമാണ് മരിച്ചത്. അതേസമയം സംശയത്തെ തുടര്ന്നുള്ള തര്ക്കത്തിനൊടുവില് ബിന്ദു അഭിലാഷിന്റെ ദേഹത്ത് മണ്ണെണ്ണ ഒഴിച്ച് തീ കൊളുത്തി ജീവനൊടുക്കുകയായിരുന്നു എന്നാണ് വിവരം.
വിവാഹ മോചനം നേടിയതിന് ശേഷമാണ് ബിന്ദു അഭിലാഷിന് ഒപ്പം ഒരുമിച്ച് താമസം ആരംഭിച്ചത്. അഭിലാഷ് അവിവാഹിതനാണ്. ഇരുവരും ഒരുമിച്ച് താമസിച്ച് വരികയായിരുന്നു. ബിന്ദുവിന് ആദ്യ വിവാഹത്തില് ആറര വയസുള്ള ഒരു മകളുണ്ട്. ബിന്ദുവും അഭിലാഷും തീ കൊളുത്തി ജീവനൊടുക്കിയ സമയം മകള് പുറത്തേക്ക് ഇറങ്ങി ഓടിയതിനാല് രക്ഷപ്പെടുകയായിരുന്നു എന്ന് പോലീസ് പറഞ്ഞു.
ആനാട് കാര്ഷിക വികസന ബാങ്കിനു എതിര്വശത്തായുള്ള ഫ്ലാറ്റിലാണ് ഇരുവരും ആത്മഹത്യ ചെയ്തത്. വിദേശത്തായിരുന്ന അഭിലാഷ് ബുധനാഴ്ചയാണ് നാട്ടിലെത്തിയത്. മകളുടെ ദേഹത്ത് മണ്ണെണ്ണ ഒഴിച്ചെങ്കിലും കുട്ടി പുറത്തേക്ക് ഓടി രക്ഷപ്പെടുകയായിരുന്നു. അമ്മയാണ് മണ്ണെണ്ണ ഒഴിച്ചതെന്ന് കുട്ടി പോലീസിനോട് പറഞ്ഞു. രണ്ടര വര്ഷം മുമ്പാണ് ബിന്ദുവും അഭിലാഷും ഒരുമിച്ച് ജീവിക്കാന് തുടങ്ങിയത്.
ഒരുമിച്ച് താമസം ആരംഭിച്ച് ആറ് മാസത്തിന് ശേഷം അഭിലാഷ് വിദേശത്തേക്ക് പോയി. ബുധനാഴ്ച മടങ്ങിയെത്തി. സമീപമുണ്ടായിരുന്ന കശുവണ്ടി ഫാക്ടറിയില് ബിന്ദുവും ജോലിക്കായി പോയിരുന്നു. പരസ്പര സംശയത്തെ തുടര്ന്ന് ഇരുവരും ഫോണിലൂടെ കലഹിക്കാറുണ്ടായിരുന്നു എന്നാണ് പോലീസിന് ലഭിച്ച വിവരം. അഭിലാഷ് വിദേശത്ത് നിന്നും നാട്ടില് എത്തിയതോടെ കലഹം രൂക്ഷമായി. ഒടുവില് കിടപ്പുമുറിയില് വെച്ച് ബിന്ദു അഭിലാഷിന്റെയും കുട്ടിയുടെയും ശരീരത്തില് മണ്ണെണ്ണ ഒഴിച്ചു.
ഇതിനിടെ കുട്ടി പുറത്തേക്ക് ഓടിയതിന് പിന്നാലെ ബിന്ദു തീ കൊളുത്തി. കുട്ടിയുടെ നിലവിളിയും തീയും കണ്ടതോടെ സമീപവാസികള് ഫയര്ഫോഴ്സിനെ വിവരം അറിയിച്ചു. നെടുമങ്ങാട് നിന്നും ഫയര്ഫോഴ്സ് യൂണിറ്റ് സ്ഥലത്തെത്തി തീ അണച്ചു. യുവാവിന്റെ മൃതദേഹം കിടപ്പുമുറിയിലെ കട്ടിലിലും യുവതിയുടെ മൃതദേഹം മറ്റൊരു മുറിയിലുമായിരുന്നു. ഇരുവരും ബന്ധുക്കളുമായി സഹകരണത്തിലായിരുന്നില്ല. നെടുമങ്ങാട് പൊലീസ് കേസെടുത്തു.
മാനന്തവാടി : മക്കിമല മേലേ തലപ്പുഴയിൽ കുഴിബോംബ് കണ്ടെത്തി. ജനവാസകേന്ദ്രത്തിൽനിന്ന് ഒന്നരക്കിലോമീറ്റർ അകലെയായാണ് മേലേ തലപ്പുഴ കൊടക്കാട് വനമേഖലയിൽ മണ്ണിനടിയിൽ…
മലപ്പുറം: കല്ലത്താണിയിൽ കാറും സ്കൂട്ടറും കൂട്ടിയിടിച്ച് ഉണ്ടായ അപകടത്തിൽ ഒരാൾ മരിച്ചു. രണ്ടുപേർക്ക് പരിക്ക്. ചെറുമുക്ക് സ്വദേശി സിനാൻ (22)…
"ജയ് പാലസ്തീൻ, തക്ബീർ" മുഴക്കി പാർലമെന്റിൽ സത്യപ്രതിജ്ഞാ ചെയ്ത AIMIM അദ്ധ്യക്ഷൻ അസദുദ്ദീൻ ഒവൈസിക്കെതിരെ കടുത്ത വിമർശനം. 18-ാമത് ലോക്സഭയിൽ…
മലയാളികളുടെ പ്രീയപ്പെട്ട നടനും കേന്ദ്രമന്ത്രിയുമായ സുരേഷ് ഗോപിയുടെ 65-ാം പിറന്നാളാണ് ഇന്ന്. വ്യക്തിജീവിതത്തിലും രാഷ്ട്രീയത്തിലും ശോഭിച്ചുനില്ക്കുന്ന വേളയിലാണ് അദ്ദേഹത്തിന്റെ ഇത്തവണത്തെ…
തിരുവനന്തപുരം : ക്വാറി ഉടമ ദീപുവിന്റെ കൊലപാതകത്തിൽ പ്രതി പോലീസിന്റെ പിടിയിലായി,നേമം സ്വദേശിയായ ആക്രികച്ചവടക്കാരനാണ് പ്രതിയെന്ന സൂചന. പ്രതിയെ വിശദമായി…
കോട്ടക്കൽ: വിവാഹത്തിൽ നിന്ന് പിന്മാറിയതിന് വധുവിന്റെ വീടിന് നേരെ വെടിയുതിർത്ത് വരൻ. സംഭവത്തിൽ പ്രതി അബൂത്വാഹിറിനെ പോലീസ് കസ്റ്റഡിയിലെടുത്തു. മലപ്പുറം…