ഹൈദരാബാദ്: കോവിഡ് 19 എന്ന മഹാമാരിയോട് പൊരുതുകയാണ് ലോകം. വൈറസിനെ നേരിടാന്‍ ലോക്ക് ഡൗണിനെ തുടര്‍ന്ന് രാജ്യം അടച്ചിട്ടു. അവശ്യ വസ്തുക്കള്‍ വാങ്ങാനും ആശുപത്രിയില്‍ പോകാനും മാത്രമേ പുറത്തിറങ്ങാന്‍ അനുമതിയുള്ളു. ലോക്ക് ഡൗണ്‍ നിലവില്‍ വന്നതോടെ പലര്‍ക്കും ഉറ്റവരുടെ അടുത്ത് എത്താന്‍ പോലും സാധിക്കാതെയായി. പൊതു ഗതാഗത സംവിധാനങ്ങള്‍ മുഴുവന്‍ നിലച്ചു. ഇതോടെ മകനെ വീട്ടില്‍ എത്തിക്കാന്‍ ഒരു അമ്മ നടത്തിയ സാഹസിക യാത്രയാണ് ഏവരെയം ഞെട്ടിച്ചു കളഞ്ഞത്.
മകനെ വീട്ടില്‍ എത്തിക്കാനായി 48കാരിയായ അമ്മ സ്‌കൂട്ടറില്‍ യാത്ര ചെയ്തത് 1400 കിലോമീറ്ററുകളാണ്. ലോക്ക് ഡൗണിനെ തുടര്‍ന്ന് റസിയ ബീഗത്തിന്റെ മകന് ആന്ധ്രയില്‍ കുടുങ്ങുകയായിരുന്നു. തുടര്‍ന്ന് മകനെ തിരികെ എത്തിക്കാന്‍ തെലങ്കാനയില്‍ നിന്നും നെല്ലൂരിലേക്ക് റസിയ ബീഗം സ്‌കൂട്ടര്‍ ഓടിച്ച് പോവുകയായിരുന്നു.
സ്‌കൂട്ടറില്‍ ഒറ്റയ്ക്ക് ആയിരുന്നു റസിയ ബീഗത്തിന്റെ യാത്ര. ഇതിന് പ്രാദേശിക പോലീസ് അനുമതിയും നല്‍കി. ചെറിയ സ്‌കൂട്ടറില്‍ അത്രയും ദൂരം യാത്ര ഒരു സ്ത്രീ എന്ന നിലക്ക് വളരെ ബുദ്ധിമുട്ടേറിയതായിരുന്നു. പക്ഷെ മകനെ തിരികെയെത്തിക്കണമെന്ന നിശ്ചയദാര്‍ഢ്യമാണ് ഏന്റെ പേടിയെ മറികടന്നത്. ഞാന്‍ കുറച്ച് റൊട്ടി കയ്യില്‍ കരുതിയിരുന്നു. അത് എന്നെ മുന്നോട്ട് നീക്കി. രാത്രികളില്‍ ട്രാഫിക്കോ.. ആളുകളോ റോഡിലില്ലാത്ത സാഹചര്യങ്ങളിലെ യാത്ര ഭീതിപ്പെടുത്തുന്നതായിരുന്നു റസിയ ബീഗം പി. ടി. ഐ ന്യൂസിനോട് പറഞ്ഞു. മൂന്ന് ദിവസം എടുത്താണ് റസിയ ബീഗം നെല്ലൂര്‍ വരെ പോയി വന്നത്.
നിസാമാബാദിലെ സര്‍ക്കാര്‍ സ്‌കൂളിലെ പ്രധാന അധ്യാപികയാണ് അവര്‍. 15 വര്‍ഷം മുമ്പ് ഭര്‍ത്താവിനെ നഷ്ടമായ അവര്‍ക്ക് രണ്ട് ആണ്‍ മക്കളാണ് ഉള്ളത്. മൂത്ത മകന് എഞ്ചിനീയറിങ് പൂര്‍ത്തിയാക്കി. ഡോക്ടറാവാനാണ് ഇളയമകന് ആഗ്രഹം. സുഹൃത്തിനൊപ്പം നെല്ലൂരിലേക്ക് പോയ ഇളയമകന് നിസാമുദ്ധീന്‍ അവിടെ തങ്ങുകയായിരുന്നു. രാജ്യത്ത് ലോക്ഡൗണ്‍ പ്രഖ്യാപിച്ചതോടെ അവിടെ കുടുങ്ങിയ മകന് വേണ്ടി മതാവ് തന്നെ നേരിട്ട് പോവുകയായിരുന്നു. മൂത്ത മകനെ അയക്കാന്‍ മടിച്ചതിനും അവര്‍ക്ക് കാരണമുണ്ട്. ചുറ്റികറങ്ങാന്‍ പോവുകയാണെന്ന് തെറ്റിധരിച്ച് വഴിമധ്യേ പൊലീസുകാര്‍ അവനെ പിടികൂടുമെന്ന ഭയത്താലാണ് അങ്ങനെ ചെയ്യാതിരുന്നതെന്നും റസിയ ബീഗം പറഞ്ഞു.
വയനാട് പൂക്കോട് വെറ്ററിനറി കോളജ് വിദ്യാര്‍ത്ഥി ജെ.എസ് സിദ്ധാര്‍ഥിന്റെ മരണത്തില്‍ നടപടി നേരിട്ട ഉദ്യോഗസ്ഥയ്ക്ക് സ്ഥാനക്കയറ്റം. ആഭ്യന്തര വകുപ്പിലെ സെക്ഷന്‍…
കോഴിക്കോട്: പന്തീരാങ്കാവ് സ്ത്രീധനപീഡനക്കേസ് പ്രതി രാഹുലിനെ രാജ്യം വിടാൻ സഹായിച്ച് സിവിൽ പോലീസ് ഓഫീസർക്ക് സസ്പെൻഷൻ. പന്തീരങ്കാവ് പൊലീസ് സ്റ്റേഷനിലെ…
കോഴിക്കോട് മെഡിക്കൽ കോളജ് ആശുപത്രിയിൽ വീണ്ടും ശസ്ത്രക്രിയ പിഴവ്. കൈയ്ക്ക് പൊട്ടലുള്ള രോഗിക്ക് കമ്പി മാറിയിട്ടെന്നാണ് പരാതി. ശസ്ത്രക്രിയയ്ക്കു ശേഷം…
അന്തരിച്ച ബിലീവേഴ്‌സ് ഈസ്‌റ്റേണ്‍ ചര്‍ച്ച് പരമാധ്യക്ഷന്‍ മാര്‍ അത്തനേഷ്യസ് യോഹാന്‍ മെത്രാപ്പോലീത്തയുടെ മൃതദേഹം കൊച്ചിയില്‍ എത്തിച്ചു. പുലർച്ചെ മൂന്നരയോടെ നെടുമ്പാശ്ശേരി…
ബംഗളൂരുവില്‍ നിന്നും കൊച്ചിയിലേക്ക് പുറപ്പെട്ട എയര്‍ ഇന്ത്യാ എക്‌സ്പ്രസിന് തീ പിടിച്ചു. പറന്നുയര്‍ന്ന ഉടന്‍ തീ പിടിക്കുകയായിരുന്നു. ബംഗ്‌ളൂരു എയര്‍പോര്‍ട്ടിലാണ്…
തിരുവനന്തപുരം: സംസ്ഥാനത്ത് ഇന്ന് അതിതീവ്ര മഴയ്ക്ക് സാധ്യത. പത്തനംതിട്ട, കോട്ടയം, ഇടുക്കി ജില്ലകളില്‍ റെഡ് അലര്‍ട്ട് പ്രഖ്യാപിച്ചു. നാല് ജില്ലകളില്‍…