എന്റെ അൽകയ എനിക്ക് ദേവിയാണ്.

തന്റെ സഹോദരി അൽകയ എനിക്ക് ദേവിയാണെന്നു അക്ഷയ് കുമാർ. സഹോദരി മാത്രമല്ല ദൈവമാണെന്നും തന്റെ ഏറ്റവും പുതിയ ചിത്രമായ രക്ഷാബന്ധന്റെ പ്രചരണത്തിന്റെ ഭാഗമായി നൽകിയ അഭിമുഖത്തിൽ താരം പറഞ്ഞു. വളരെ വൈകാരികമായിട്ടാണ് സഹോദരിയെ കുറിച്ച് അക്ഷയ് കുമാർ സംസാരിച്ചത്.

സഹോദരിയുമായുള്ളത് എന്റെ ബോണ്ട് സ്നേഹമാണ്. അവർ ഒരിക്കലും എന്നെ ഭയപ്പെട്ടിരുന്നില്ല. വളരെ ശാന്ത സ്വാഭാവക്കാരിയായിരുന്നു. ഞങ്ങൾ തമ്മിൽ അധികം വഴക്ക് ഉണ്ടായിട്ടില്ല. ചില സമയത്ത് എന്റെ ശബദം ഉയർന്നാലും സഹോദരി ശാന്തയായിരിക്കും. സഹോദരി മാത്രമല്ല അവർ എനിക്ക് ദേവി( ദൈവം) കൂടി ആണ്. അക്ഷയ് കുമാർ പറഞ്ഞു.

ആഗസ്റ്റ് 11 ആണ് രക്ഷാബന്ധൻ തിയറ്ററുകളിൽ എത്തുന്നത്. നാല് സഹോദരിമാരുടെ ഏക സഹോദരനായിട്ടാണ് അക്ഷയ് ചിത്രത്തിൽ അഭിനയിച്ചിരിക്കുന്നത്. ഭൂമി പഡ്നേക്കറാണ് സിനിമയിൽ നായികയായി അഭിനയിച്ചിട്ടുള്ളത്. ഹിമാൻഷു ശർമയും കനികാ ധില്ലനുമാണ് തിരക്കഥ രചിച്ചിരിക്കുന്നത്. കേപ്പ് ഓഫ് ​ഗുഡ് ഫിലിംസിന്റെ സഹകരണത്തോടെ കളർ യെല്ലോ പ്രൊഡക്ഷൻസ്, സീ സ്റ്റുഡിയോസ്, അൽക്കാ ഹിരാനന്ദാനി എന്നിവർ ചേർന്നാണ് രക്ഷാബന്ധൻ നിർമിച്ചിട്ടുള്ളത്.