ജമ്മു കശ്മീരി‍ല്‍ ഉടൻ തിരഞ്ഞെടുപ്പ് നടത്തും.. പുതുയുഗപ്പിറവിയെന്നു മോഡി

ന്യൂഡൽഹി : കശ്മീരിനു പ്രത്യേക അവകാശങ്ങൾ നൽകുന്ന അനുച്ഛേദം 370 റദ്ദാക്കിയതു സംബന്ധിച്ചു രാജ്യത്തെ അഭിസംബോധന ചെയ്ത് പ്രധാനമന്ത്രി നരേന്ദ്ര മോഡി.

കശ്മീരിൽ പുതുയുഗത്തിനു തുടക്കമിട്ടെന്നു അദ്ദേഹം പറഞ്ഞു.കശ്മീരിൽ പൊതു– സ്വകാര്യ മേഖലകളിൽ തൊഴിലവസരങ്ങൾ ഉറപ്പാക്കുമെന്ന് പ്രധാനമന്ത്രി പറഞ്ഞു. സർക്കാർ ജീവനക്കാർക്കു തുല്യത ഉറപ്പാക്കും.

സംസ്ഥാനത്തു സ്വകാര്യ നിക്ഷേപം വരും. ജമ്മു കശ്മീരിന്റെ കേന്ദ്രഭരണ പദവി താൽക്കാലികം മാത്രമാണെന്നും പ്രധാനമന്ത്രി വിശദീകരിച്ചു.

ജമ്മു ക്ശമീർ ഇനി ഭരിക്കാൻ പോകുന്നത് യുവജനങ്ങളാണ്.ജമ്മു കശ്മീരിൽ പിറക്കുന്നത് പുതിയ യുഗമാണ്.

പാക്കിസ്ഥാനു വേണ്ടി ചിലർ അനുച്ഛേദം 370 ദുരുപയോഗം ചെയ്യുകയായിരുന്നു. ജമ്മു കശ്മീരി‍ല്‍ ഉടൻ തിരഞ്ഞെടുപ്പ് നടത്തും. പുതിയ കായിക പരിശീലന കേന്ദ്രങ്ങളും സ്റ്റേ‍ഡിയങ്ങളും വരും.ലോകത്തിലെ ഏറ്റവും വലിയ വിനോദസഞ്ചാര കേന്ദ്രമാകാനുള്ള സാധ്യത കശ്മീരിനുണ്ടെന്നും മോഡി പറഞ്ഞു.