നവകേരള സദസ്, മണ്ഡലത്തിലെ സ്കൂളുകൾക്ക് ഒന്നടങ്കം അവധി, പ്രതിഷേധം ശക്തം

തിരുവനന്തപുരം: നവകേരളസദസ് എത്തുന്ന മണ്ഡലത്തിലാകെ സ്കൂളുകൾക്ക് സർക്കാർ അവധി പ്രഖ്യാപിക്കുന്നതിനെതിരെ പ്രതിഷേധം ശക്തം. ആളെ കൂട്ടി പരിപാടി വൻ വിജയമാക്കുകയാണ് മന്ത്രിയുടെയും പരിവാരങ്ങളുടെയും ലക്ഷ്യം. ആദ്യഘട്ടത്തിൽ ജനസ​ദസ് നടക്കുന്ന സ്ഥലത്തെ സ്കൂളുകൾക്ക് മാത്രമാണ് അവധി നൽകിയിരുന്നത്.

എന്നാൽ ഇപ്പോൾ മണ്ഡലത്തിലാകെ അവധി നൽകുകയാണ്. വിദ്യാർത്ഥികളുടെ സൗകര്യം കണക്കിലെടുത്തുള്ള അവധി പ്രഖ്യാപനമെന്നാണ് സർക്കാർ വാദം. പ്രവൃത്തിദിനത്തിലും സ്കൂളുകൾ അടഞ്ഞു കിടക്കുന്നതിന്റഎ പരിണിതഫലം അനുഭവിക്കേണ്ടത് സ്കൂളുകളും വിദ്യാർത്ഥികളുമാണ്. ക്രിസ്മസ് പരീക്ഷയും വാർഷിക പരീക്ഷയും പടിവാതിൽക്കൽ എത്തി നിൽക്കുകയാണ്.

ഇതിനിടെയാണ് ഇത്തരത്തിൽ സർക്കാരിന്റെ സൗകര്യത്തിനായി അവധി നൽകുന്നത്. സർക്കാരിന്റെ അകാരണമായ അവധി നൽകലിനെതിരെ പല അദ്ധ്യാപക സംഘടനകൾ പ്രതിഷേധവുമായി രം​ഗത്തെത്തിയിട്ടുണ്ട്. സ്കൂളിലെ പിടിഎ ഫണ്ട് വരെ ഉപയോ​ഗിച്ച് നിർമ്മിച്ച മതിലുകളാണ് സദസിന്റെ പേരിൽ പൊളിച്ച് നീക്കുന്നത്. കുട്ടികളെ പരിപാടിയുടെ ഭാഗമാക്കൻ ശ്രമിച്ചതും വലിയ വിമർശനം ഉയർന്നിരുന്നു