കുഞ്ഞിന്റെ മുഖം മറച്ചുപിടിച്ച് നയന്‍താര ;  വിമാനത്താവളത്തില്‍ നിന്നുള്ള ദൃശ്യങ്ങൾ വൈറൽ

ആരാധകർ ഏറെയുള്ള താരദമ്പതിമാരാണ് നയന്‍താരയും വിഘ്‌നേഷ് ശിവനും. കഴിഞ്ഞ ജൂണിലാണ് ഇരുവരും വിവാഹിതരായത്. വർഷങ്ങൾ നീണ്ട പ്രണയത്തിനൊടുവിലാണ് ഇരുവരും വിവാഹത്തിലേക്ക് കടന്നത്. ഇരുവരെയും കുറിച്ചുള്ള വാർത്തകൾക്ക് പ്രേക്ഷകർ ഏറെയാണ്. വാടക ഗര്‍ഭധാരണത്തിലൂടെ ഇരട്ടക്കുട്ടികളുടെ മാതാപിതാക്കളായ ഇരുവരും നിരവധി നിയമപ്രശ്നങ്ങളും നേരിട്ടു.

കുഞ്ഞുങ്ങൾ ജനിച്ചത് മുതൽ ഇരുവരും തങ്ങളുടെ കുഞ്ഞ് സന്തോഷങ്ങൾ ആരാധകരുമായി സ്ഥിരമായി പങ്കുവെയ്ക്കാറുണ്ട്. ഇപ്പോഴിതാ വിഘ്‌നേഷും നയന്‍താരയും മക്കളുമായി വിമാനത്താവളത്തിലെത്തുന്ന വീഡിയോയാണ് സോഷ്യല്‍ മീഡിയയില്‍ വൈറലാകുന്നത്. ഉയിരിനും ഉലകത്തിനുമൊപ്പം മുംബൈ വിമാനത്താവളത്തില്‍ എത്തിയതായിരുന്നു ഇരുവരും. കുഞ്ഞുങ്ങളെ ചേര്‍ത്തുപിടിച്ച ഇരുവരും അവരുടെ മുഖം ക്യാമറകളില്‍ നിന്ന് മറച്ചുപിടിച്ചാണ് കടന്നുപോയത്.

ഒക്ടോബര്‍ ഒമ്പതിനാണ് നയന്‍താരയും വിഘ്‌നേഷ് ശിവനും ഇരട്ടക്കുട്ടികളായ ഉയിരിനേയും ഉലകത്തേയും പരിചയപ്പെടുത്തിയത്. വിവാഹം കഴിഞ്ഞ മാസങ്ങൾ കഴിഞ്ഞപ്പോഴായിരുന്നു ഇരുവരും തങ്ങൾ മാതാപിതാക്കളായെന്ന വിവരം പങ്കുവെച്ചത്. ഷാരൂഖ് ഖാനെ നായകനാക്കി അറ്റ്‌ലീ സംവിധാനം ചെയ്യുന്ന ജവാന്‍ എന്ന ചിത്രത്തിന്റെ ഷൂട്ടിങ്ങുമായി ബന്ധപ്പെട്ട് മുംബൈയില്‍ എത്തിയതായിരുന്നു നയന്‍താര.