“അടിയന്തരാവസ്ഥയുടെ കറുത്ത ദിനങ്ങൾ ഒരിക്കലും മറക്കരുത്”- പ്രധാനമന്ത്രി

ന്യൂഡൽഹി/ അടിയന്തരാവസ്ഥയുടെ കറുത്ത ദിനങ്ങൾ ഒരിക്കലും മറക്കാനാകി ല്ലെന്ന് പ്രധാനമന്ത്രി നരേന്ദ്ര മോദി. പ്രധാനമന്ത്രിയുടെ പ്രതിമാസ റേഡിയോ പരിപാടിയായ “മൻ കി ബാത്തിന്റെ” 90-ാം എപ്പിസോഡിലാണ് നരേന്ദ്ര മോദി ഇക്കാര്യം പറഞ്ഞിരിക്കുന്നത്. അടിയന്തരാവസ്ഥയുടെ 45-ാം വാർഷികമായിരുന്നു കഴിഞ്ഞ ദിവസം. “അടിയന്തരാവസ്ഥയുടെ ഇരുണ്ട കാലഘട്ടം നാം മറക്കരുത്.”- പ്രധാനമന്ത്രി ഓർമ്മപ്പെടുത്തി.

മാലിന്യങ്ങളിൽ നിന്ന് വരുമാനം കണ്ടെത്താൻ കഴിയുന്ന ആശയങ്ങളെക്കുറിച്ച് മൻ കി ബാത്തിൽ പ്രധാനമന്ത്രി പറയുകയുണ്ടായി. പുതുച്ചേരിയിലെ ഐസ്വാളിനെ ക്കുറിച്ചാണ് പ്രധാനമന്ത്രി പ്രധാനമായും പറഞ്ഞത്. ഇത്തരം പദ്ധതികൾ പ്രചോദനകരമാണെന്നും, ഇത്തരം ശ്രമങ്ങൾ പ്രചോദനം നൽകുക മാത്രമല്ല, ഒറ്റത്തവണ ഉപയോഗിക്കുന്ന പ്ലാസ്റ്റിക്കിനെതിരെയുള്ള ഇന്ത്യയുടെ പ്രചാരണത്തിന് ഊർജം പകരുമെന്നും നരേന്ദ്ര മോദി പറഞ്ഞു.

ദിവസങ്ങൾക്ക് മുമ്പ് MyGov-ലോ NaMo ആപ്പിലോ ആശയങ്ങൾ പങ്കുവെക്കാൻ മോദി ജങ്ങളോട് അഭ്യർത്ഥിച്ചിരുന്നു. “26-ന് ഷെഡ്യൂൾ ചെയ്‌തിരിക്കുന്ന ജൂൺ മാസത്തെ #MannKiBaat-ന് നിരവധി നിർദേശങ്ങൾ ലഭിച്ചതിൽ സന്തോഷമുണ്ട്. MyGov-ലോ NaMo ആപ്പിലോ നിങ്ങളുടെ ആശയങ്ങൾ ഇനിയും അങ്കുവെക്കണം. പങ്കുവെക്കുന്നത് തുടരുക,” നരേന്ദ്ര മോദി ജൂൺ 19 ന് ട്വീറ്റ് ചെയ്യുകയുണ്ടായി. മെയ് 29-ന് മൻ കി ബാത്തിന്റെ 89-ാം എപ്പിസോഡിൽ രാജ്യത്തിന്റെ സ്റ്റാർട്ടപ്പ് മേഖലയെ പറ്റിയും എട്ടാമത് അന്താരാഷ്ട്ര യോഗാ ദിനത്തെ പറ്റിയും മെയ് മാസത്തിൽ നടത്തിയ ജപ്പാൻ സന്ദർശനം തുടങ്ങി നിരവധി വിഷയങ്ങളെക്കുറിച്ച് പ്രധാനമന്ത്രി സംസാരിസിച്ചിരുന്നു.