20 ലക്ഷം കോടി രൂപയുടെ സാമ്ബത്തിക പാക്കേജില് രണ്ടാം ഘട്ട പ്രഖ്യാപനങ്ങള് വിശദീകരിച്ച് കേന്ദ്ര ധനമന്ത്രി നിര്മല സീതാരാമന്. അതിഥി തൊഴിലാളികള്, വഴിയോരക്കച്ചവടക്കാര്, ചെറുകിട വ്യവസായം എന്നിവയ്ക്ക് ആശ്വാസ നടപടികള് ഉണ്ടാകും. കര്ഷകര്ക്കായി രണ്ടു പ്രഖ്യാപനങ്ങള് ഉണ്ടാകും.
കിസാന് ക്രെഡിറ്റ് കാര്ഡിലൂടെ രാജ്യത്തെ 25 ലക്ഷം കര്ഷകര്ക്ക് 25000 കോടി രൂപ വിതരണം ചെയ്തതായി ധനമന്ത്രി അറിയിച്ചു. കര്ഷക മേഖലയ്ക്കു ഗ്രാമീണ മേഖലയ്ക്കുമായി 86,000 കോടി രൂപ വായ്പ നല്കി.മൂന്നു കോടി കര്ഷകര്ക്കു കുറഞ്ഞ പലിശ നിരക്കില് വായ്പ ലഭിച്ചു.ഇതുവരെ 4.22 ലക്ഷം കോടി രൂപയുടെ വായ്പ കര്ഷകര്ക്കു വിതരണം ചെയ്തു. മൂന്നു മാസം മൊറട്ടോറിയം ഉള്പ്പെടെ ആനുകൂല്യങ്ങള് നല്കിനബാര്ഡ് വഴി 29,000 കോടി രൂപയുടെ വായ്പ പുനഃക്രമീകരിച്ചു. എന്നിവ ധനമന്ത്രി വിശദീകരിച്ചു.
മസ്ഥമേഖലയിലും തൊഴിലാളികള്ക്ക് മിനിമം കൂലി ഉറപ്പാക്കും. ഇതിനായി ‘ഒരു ഇന്ത്യ ഒരു കൂലി ‘എന്ന നിര്ണ്ണായക പ്രഖ്യാപനവും ധനമന്ത്രി നടത്തി. തൊഴിലാളികള്ക്ക് വാര്ഷിക ആരോഗ്യ പരിശോധന നിര്ബന്ധമാക്കും. കൂലിയിലെ പ്രാദേശിക അസന്തുലിതാവസ്ഥ പരിഹരിക്കും. ദേശീയ അടിസ്ഥാന വേതന സങ്കല്പ്പം പ്രാവര്ത്തികമാക്കുമെന്നും ധനമന്ത്രി പറഞ്ഞു.
മഴക്കാലത്ത് സാധ്യമായ രീതിയില് തൊഴിലുറപ്പ് പദ്ധതി വ്യാപിപ്പിക്കും.ജോലി സ്ഥലത്തെ സുരക്ഷാ മാനദണ്ഡങ്ങള് കര്ശനമാക്കുമെന്നും മന്ത്രി വ്യക്തമാക്കി. കുടിയേറ്റ തൊഴിലാളികളെ സഹായി്ക്കാന് 11002 കോടി കൈമാറിയെന്നും മന്ത്രി പറഞ്ഞു.സംസ്ഥാന ദുരന്തനിവാരണ ഫണ്ട് മുഖേനയാണ് തുക കൈമാറിയത്.
വിവിധഭാഷാ തൊഴിലാളികള്ക്ക് രണ്ട് മാസത്തേക്ക് സൗജന്യ റേഷന് നല്കും. അഞ്ച് കിലോ ധാന്യവും ഒരു കിലോ പരിപ്പും നല്കും. ഇതിന്റെ മുഴുവന് ചിലവും കേന്ദ്രം വഹിക്കുമെന്നും മന്ത്രി പറഞ്ഞു.8 കോടി ഇതര സംസ്ഥാന തൊഴിലാളികള്ക്ക് ഇതിന്റെ ഗുണം കിട്ടുമെന്നും മന്ത്രിവാര്ത്താസമ്മേളനത്തില് പറഞ്ഞു.
വീണ്ടും കോപ്പിയടിയുടെ പേരിൽ എയറിലായി ഇടത് സഹയാത്രികയും കുന്നംകുളം വിവേകാനന്ദ കോളേജിലെ അദ്ധ്യാപികയുമായ ദീപാ നിശാന്ത്. ഇത്തവണ ഗണഗീതത്തിലെ വരികളാണ്…
മലപ്പുറം ∙ അനാഥ സ്ത്രീയെ ഫ്ലാറ്റിലെത്തിച്ച് പീഡിപ്പിക്കുകയും മുഖത്ത് ചൂടുവെള്ളം ഒഴിച്ച് പരുക്കേൽപ്പിക്കുകയും ചെയ്ത കേസിൽ മൂന്നുപേരെ പൊലീസ് അറസ്റ്റു…
കാസര്കോട്: ലോക്സഭാ തിരഞ്ഞെടുപ്പ് ഫണ്ട് സ്വന്തം പാര്ട്ടിയിലെ ചില മണ്ഡലം പ്രസിഡന്റുമാര് തന്നെ മുക്കിയെന്ന് രാജ്മോഹന് ഉണ്ണിത്താന്. ബൂത്ത് കമ്മിറ്റികള്ക്ക്…
ന്യൂഡല്ഹി: ഡല്ഹി മദ്യനയ അഴിമതിക്കേസില് മുഖ്യമന്ത്രി അരവിന്ദ് കെജ്രിവാളിനെയും ആംആദ്മി പാര്ട്ടിയെയും പ്രതിചേര്ത്ത് എന്ഫോഴ്സ്മെന്റ് ഡയറക്ട്രേറ്റ് അധിക കുറ്റപത്രം സമര്പ്പിച്ചു.…
നീലഗിരി: ഊട്ടിയടക്കമുള്ള വിനോദസഞ്ചാരകേന്ദ്രങ്ങളിലേക്കുള്ള യാത്രയ്ക്ക് നിയന്ത്രണം. തമിഴ്നാടിന്റെ തെക്കൻ ജില്ലകളിൽ കനത്ത മഴയ്ക്കുള്ള സാധ്യത കണക്കിലെടുത്താണ് നിർദേശം. മേയ് 20…
തിരുവനന്തപുരം: തിരുവഞ്ചൂരിന്റെ വീട്ടില് വെച്ച് സോളാര് വിഷയം സംസാരിച്ചിട്ടുണ്ടെന്ന് വ്യക്തമാക്കി ചെറിയാന് ഫിലിപ്പ്. സമരം അവസാനിപ്പിക്കണമെന്ന് ഇരുമുന്നണികള്ക്കും ആഗ്രഹമുണ്ടായിരുന്നെന്നും തിരുവഞ്ചൂരിന്റെ…