കൊച്ചി . കേരളത്തിലെ ആദ്യ ട്രാൻസ്ജെൻഡർ അഭിഭാഷകയായി പത്മലക്ഷ്മി. പത്മലക്ഷ്മിയ്ക്ക് ഇത് അഭിമാനത്തിന്റെ നിമിഷം. ‘എനിക്ക് അനീതിക്കെതിരെ പ്രതികരിക്കാൻ കരുത്തും ശക്തിയും വേണം. ദൈവത്തിന്റെ രൂപത്തിൽ മുന്നിൽവന്നവർക്കൊക്കെ നന്ദി. ഞാൻ വലിയൊരു സമൂഹത്തെയാണ് പ്രതിനിധീകരിക്കുന്നത്. ഒത്തിരി സന്തോഷം അച്ഛനും അമ്മക്കുമാണ്. അവരാണ് എന്താ ശക്തി’ പത്മലക്ഷി പറഞ്ഞു.
നിയമത്തിന്റെ കരുത്തുമായി നീതി നിഷേധിക്കപ്പെട്ടവരുടെ ശബ്ദമാകുകയാണ് പത്മലക്ഷ്മിയുടെ ലക്ഷ്യം. ഒരുപാട് പേർ കൂടെ നിന്നിട്ടുണ്ട്. അവർക്കൊക്കെ നന്ദി. ഞായറാഴ്ച അഭിഭാഷകരായി സന്നത് എടുത്ത 1529 പേരിൽ ഒന്നാമതായാണ് പത്മയുടെ പേരുവിളിച്ചത്. ലോ കോളേജ് അധ്യാപികയായിരുന്ന ഡോ. എം കെ മറിയാമ്മയും പത്മലക്ഷ്മിക്ക് വലിയ പിന്തുണ നൽകി. ബാർ കൗൺസിൽ ഓഫ് കേരള ഉൾപ്പെടെ കൂടെനിന്ന എല്ലാവർക്കും പത്മലക്ഷ്മി നന്ദി പറയുകയുണ്ടായി.
പത്മലക്ഷ്മി പ്രാക്ടീസിനുശേഷം ജുഡീഷ്യൽ സർവീസ് പരീക്ഷകൾ എഴുതാൻ ആഗ്രഹിക്കുകയാണ്. ട്രാൻസ്ജെൻഡർ വിഭാഗത്തിൽനിന്ന് കൂടുതൽപേർ അഭിഭാഷകരായി കടന്നുവരണമെന്നും ആവശ്യമുള്ളവർക്ക് തന്റെ പക്കലുള്ള പുസ്തകങ്ങൾ നൽകാൻ തയ്യാറാണെന്നും പത്മലക്ഷ്മി പറഞ്ഞിട്ടുണ്ട്.. അഭിഭാഷകയാവുകയെന്ന ആഗ്രഹം ചെറുപ്പം മുതൽ പത്മലക്ഷ്മിക്ക് ഉണ്ടായിരുന്നു.
എറണാകുളം ഗവ. ലോ കോളേജിൽ 2019ൽ നിയമപഠനത്തിനെത്തി. ഭൗതികശാസ്ത്രത്തിൽ ബിരുദപഠനം പൂർത്തിയാക്കി രണ്ട് വർഷത്തിനുശേഷ മായിരുന്നു അത്. എൽഎൽബി അവസാന വർഷമാണ് അച്ഛനോടും അമ്മയോടും സ്വന്തം സ്വത്വത്തെക്കുറിച്ച് കൃത്യമായി സംസാരിക്കുന്നത്. കേൾക്കുമ്പോൾ അവർക്ക് ബുദ്ധിമുട്ടുണ്ടാകുമോ എന്ന് പേടിയുണ്ടായിരുന്നു. എന്നാൽ, ‘എന്തുകാര്യവും നീ ഞങ്ങളോടാണ് പറയേണ്ടതെന്ന്’ പറഞ്ഞ് അച്ഛൻ മോഹനകുമാറും അമ്മ ജയയും പത്മയ്ക്ക് പൂർണപിന്തുണ നൽക്കുകയായിരുന്നു.
തിരുവനന്തപുരം : തലസ്ഥാനത്ത് പുരാതന ക്ഷേത്രത്തിൽ മോഷണം. പൂന്തുറ ഉച്ചമാടൻ ദേവീക്ഷേത്രത്തിലാണ് കോടികൾ വില വരുന്ന പഞ്ചലോഹ വിഗ്രഹം കവർന്നത്.…
ഐഡിയ സ്റ്റാർ സിംഗറിലൂടെ പ്രേക്ഷകരുടെ ഇഷ്ട ഗായികയായി മാറിയ വ്യക്തിയാണ് വാണി ജയറാം. മൂന്നാം വർഷ എംബിബിഎസ് സ്റ്റുഡന്റ് ആയിരുന്ന…
കൊല്ലം: അമ്മയെ മർദിച്ച യുവാവിന്റെ കൈയും കാലും തല്ലിയൊടിക്കാൻ ക്വട്ടേഷൻ കൊടുത്ത സഹോദരൻ അറസ്റ്റിൽ. കടയ്ക്കൽ സ്വദേശി ജോയിയെ മർദ്ദിച്ചതിനാണ്…
കോട്ടയം തലയോലപ്പറമ്പില് അധ്യാപകന് സ്കൂളിൽ കുഴഞ്ഞു വീണു മരിച്ചു. ബഷീര് സ്മാരക വിഎച്ച്എസ് സ്കൂളിലെ അധ്യാപകനായ പി.പി. സന്തോഷ് കുമാറാണ്…
കോഴിക്കോട് : പോക്സോ കേസിൽ നടൻ കൂട്ടിക്കൽ ജയചന്ദ്രനെതിരെ നടപടി വൈകുന്നു എന്ന് പരാതി. നാലര വയസ്സുകാരിയെ ബന്ധുവീട്ടിൽ വച്ചു…
ന്യൂഡൽഹി : മദ്യനയ കേസിൽ ഡൽഹി മുഖ്യമന്ത്രിയും ആം ആദ്മി പാർട്ടി (എഎപി) ദേശീയ കൺവീനറുമായ അരവിന്ദ് കെജ്രിവാളിനെ സിബിഐ…