പാർലമെന്റിലെ ബഹളം, പുറത്താക്കൽ നടപടി തുടരുന്നു, ഇന്ന് മൂന്നുപേരെ സസ്പെൻഡ് ചെയ്തു

ന്യൂഡല്‍ഹി: പാർലമെൻിലെ സുരക്ഷാവീഴ്ചയിൽ പ്രതിഷേധിച്ച് സഭയിൽ ബഹളം വെച്ചതിന് പുറത്താക്കിയ എം പിമാരുടെ എണ്ണം നൂറായി.
ഇന്ന് മൂന്നുപേരെ പുറത്താക്കി. കോണ്‍ഗ്രസ് എംപിമാരായ ഡി.കെ. സുരേഷ്, ദീപക് ബജി, നകുല്‍നാഥ് എന്നിവരെയാണ് ഇന്ന് സസ്‌പെന്‍ഡ് ചെയ്തത്. പ്ലക്കാര്‍ഡ് പിടിച്ച് സഭയുടെ നടുത്തളത്തിലിറങ്ങിയെന്ന് ആരോപിച്ചാണ് നടപടി.

ശീതകാല സമ്മേളനം അവസാനിക്കുന്നതുവരെയാണ് സസ്‌പെന്‍ഷന്‍. പാര്‍ലമെന്റിലെ അതിക്രമത്തെക്കുറിച്ച് കേന്ദ്ര ആഭ്യന്തരമന്ത്രി പ്രസ്താവനനടത്തണമെന്ന് ആവശ്യപ്പെട്ട് പ്രതിഷേധിച്ചതിനെ തുടര്‍ന്ന് ലോക്‌സഭയില്‍നിന്ന് സസ്‌പെന്‍ഡ് ചെയ്ത പ്രതിപക്ഷ എംപിമാരുടെ എണ്ണം ഇതോടെ 100 ആയി.

ഇതേ ആവശ്യത്തിലെ പ്രതിഷേധത്തിന്റെ പേരില്‍ രാജ്യസഭയിലും ലോക്‌സഭയിലുമായി സസ്‌പെന്‍ഡ് ചെയ്യപ്പെട്ടവരുടെ എണ്ണം 146 ആയിട്ടുണ്ട്.
പ്രതിഷേധിക്കുന്നതിനെതിരെ മുന്നറിയിപ്പ് നല്‍കികൊണ്ടാണ് സ്പീക്കര്‍ ഓംബിര്‍ള ഇന്ന് സഭ ആരംഭിച്ചത്.