അമ്മകുട്ട്യേ പോലെ ഞാനും മൂക്ക് കുത്തി, വീഡിയോ പങ്കുവെച്ച് പാർവ്വതി

മലയാള സിനിമയിൽ ചുരുങ്ങിയ ചിത്രങ്ങൾ കൊണ്ട് ശ്രദ്ധേയമായ താരമാണ് പാർവതി തിരുവോത്ത്. എന്ത് വെട്ടിത്തുറന്ന് പറയുന്ന താരത്തിന് പല വിമർശനങ്ങളും നേരിടേണ്ടി വന്നിട്ടുണ്ട്. കസബ സിനിമക്കൊക്കെ എതിരെ താരം നടത്തിയ വിമർശനങ്ങൾ വൻ ച്ർച്ചകൾക്ക് വഴിതെളിച്ചിരുന്നു. ഇപ്പോളിതാ താരം പങ്കുവെച്ച ഇൻസ്റ്റാ​ഗ്രം ചിത്രം വൈറലാവുകയാണ്.

ജീവിതത്തിലെ ഒരു ചെറിയ വലിയ കാര്യം ആരാധകരുമായി പങ്കുവച്ചിരിക്കുകയാണ് നടി. മൂക്കുകുത്തിയ ചിത്രവും വിഡിയോയുമാണ് ഇൻസ്റ്റ​ഗ്രാമിലൂടെ പാർവതി പങ്കുവച്ചിരിക്കുന്നത്. ‘അമ്മകുട്ട്യേ പോലെ മൂക്കുകുത്തി അമ്മിണികുട്ടി‌’, എന്ന ക്യാപ്ഷനിൽ അമ്മയുടെ ചിത്രമടക്കമാണ് പാർവതിയുടെ പോസ്റ്റ്‌. ബി​ഗ്ബി​ഗ് തിങ്സ് എന്നാണ് ഈ സംഭവത്തെ താരം വിശേഷിപ്പിച്ചത്.

കൂടാതെ കോവിഡ് കാലത്ത് മൂക്കുകുത്തിയപ്പോൾ എടുത്ത മുൻകരുതലിനെക്കുറിച്ചും പാർവതി പങ്കുവച്ചിട്ടുണ്ട്. നൂറ് ശതമാനം സുരക്ഷിതത്വം ഉറപ്പാക്കിയിട്ടാണ് താൻ ഇത് ചെയ്തതെന്നും അതുകൊണ്ടുതന്നെ ഈ അവസരത്തിൽ മൂക്കുകുത്താൻ മറ്റാരെയും താൻ പ്രോത്സാഹിപ്പിക്കില്ലെന്നും പാർവതി വിഡിയോയ്ക്കൊപ്പം താരം കുറിച്ചു

നോട്ട്ബുക്ക് എന്ന ചിത്രത്തിലൂടെയാണ് പാർവതി സിനിമയിലെത്തുന്നത്. താരം പിന്നീട് തമിഴ്, തെലുങ്ക്, കന്നഡ സിനിമകളിലായിരുന്നു തിളങ്ങിയത്. പിന്നീട് വർഷങ്ങൾക്ക് ശേഷം മലയാള സിനിമയിൽ തിരിച്ചെത്തിയ താരം തന്റേതായ സ്ഥാനം ഉറപ്പിക്കുകയിയിരുന്നു. ബാംഗ്ലൂർ ഡേയ്സ്, എന്ന് നിന്റെ മൊയ്തീൻ, ഉയരെ തുടങ്ങിയ ചിത്രങ്ങളിൽ കൂടി മുൻ നിര നായികയായ നിൽക്കുന്ന താരത്തിന് മികച്ച നടിക്കുള്ള കേരള, കർണാടക സംസ്ഥാനകളുടെ അവാർഡും ലഭിച്ചിട്ടുണ്ട്