കളർ കാണുമ്പോൾ ബഹിളിയുണ്ടാകുന്നത് രോഗമാണ്,കറുപ്പണിഞ്ഞ് പി.സി. ജോർജ്

മുഖ്യമന്ത്രി പിണറായി വിജയൻ രാജിവച്ച് അന്വേഷണം നേരിടണമെന്ന് പി.സി ജോർജ്. സിബിഐ അല്ലെങ്കിൽ ജുഡീഷ്യൽ അന്വേഷണമെങ്കിലും അദ്ദേഹം നേരിടണം. അത് ജനാധിപത്യത്തിലെ സാമാന്യ മര്യാദയാണ്. മുഖ്യമന്ത്രിയുടെ പരിപാടിയിൽ കറുത്ത വസ്ത്രവും മാസ്‌കും വിലക്കിയതിൽ പ്രതിഷേധിച്ച് കറുത്ത ഷർട്ടും ധരിച്ചാണ് ജോർജ് പത്രസമ്മേളനത്തിനെത്തിയത്.

ആദ്യമായി താൻ കറുപ്പണിഞ്ഞത് പിണറായി വിജയൻ രണ്ട് സ്ത്രീകളെ ശബരിമലയിലേക്ക് കൊണ്ടുപോകാൻ ശ്രമിച്ചതിൽ പ്രതിഷേധിച്ചാണ് നിയമസഭയിൽ താനും ഒ.രാജഗോപാലും വന്നത്. ആ ഷർട്ട് പിന്നീട് ഇപ്പോഴാണ് ഇടുന്നത്. മാസ്‌കും ഇത്തവണ ഉണ്ട്.-ജോർജ് പറഞ്ഞു. ചില കളർ കാണുമ്പോൾ ബഹിളിയുണ്ടാകുന്നത് രോഗമാണ്. ആ രോഗം പിണറായിയെ ബാധിച്ചിട്ടുണ്ട്. ഒന്നുങ്കിൽ മുഖ്യമന്ത്രി രാജിവയ്ക്കും. അല്ലെങ്കിൽ കമ്മ്യുണിസ്റ്റ് പാർട്ടി കേരളത്തിൽ തീരും. ഏത് വേണമെന്ന് അവർ തീരുമാനിക്കട്ടെ. പിടിച്ചുപറിക്കാൻ പറ്റുന്ന ഊള ഭരണം വേണമല്ലോ. ഇ.പി ജയരാജനാണ് മുഖ്യമന്ത്രിയാകാൻ ഏറ്റവും അനുയോജ്യനെന്നും ജോർജ് പരിഹസിച്ചു.

പോലീസിനെ കൊണ്ട് പ്രതിഷേധക്കാരെ നേരിടുന്നത് മുഖ്യമന്ത്രി ആഘോഷിക്കുകയാണ്. മാനസിക രോഗമാണിത്. മുഖ്യമന്ത്രിക്ക് സഞ്ചരിക്കാൻ ഒരു ഹെലികോപ്ടർ വാടകയ്ക്ക് എടുത്തിട്ടിരിക്കുന്നു. അതുപയോഗിച്ച് കോട്ടയത്തും തൃശൂരിലും പോയി ഇറങ്ങാൻ പാടില്ലേ. അദ്ദേഹത്തിന് ഇതെല്ലാം രസമാണ്.