സില്‍വര്‍ലൈന്‍ പദ്ധതി വേണമെന്നാണെന്ന് ബഹുഭൂരിപക്ഷം ജനങ്ങളും ആഗ്രഹിക്കുന്നതെന്ന് മുഖ്യമന്ത്രി

തിരുവനന്തപുരം∙ സില്‍വര്‍ലൈന്‍ പദ്ധതി വേണമെന്നാണെന്ന് ബഹുഭൂരിപക്ഷം ജനങ്ങളും ആഗ്രഹിക്കുന്നതെന്ന് മുഖ്യമന്ത്രി പിണറായി വിജയന്‍. പദ്ധതി വേണമെന്ന് ആഗ്രഹിക്കുന്നവർ ബഹളം വയ്ക്കുകയോ ശബ്ദ കോലാഹലം ഉണ്ടാക്കുകയോ ചെയ്യുന്നില്ലെന്നും അദ്ദേഹം പറഞ്ഞു.

ജനങ്ങള്‍ക്ക് ആവശ്യമുള്ള പദ്ധതികള്‍ നടപ്പാക്കുകയെന്നത് സര്‍ക്കാരിന്‍റെ ബാധ്യതയാണ്. അതില്‍നിന്ന് എല്‍ഡിഎഫ് സര്‍ക്കാര്‍ ഒളിച്ചോടില്ല. പദ്ധതിയോട് പ്രധാനമന്ത്രി നരേന്ദ്ര മോദിയുടെ പ്രതികരണം അനുകൂലമായിരുന്നു. കേന്ദ്ര സര്‍ക്കാരാണ് പദ്ധതിക്ക് അനുമതി നല്‍കേണ്ട‌തെന്നും മുഖ്യമന്ത്രി പറഞ്ഞു. 51 റോഡുകളുടെ ഉദ്ഘാടനം ഓണ്‍ലൈനായി നിര്‍വഹിക്കുകയായിരുന്നു അദ്ദേഹം.