വിമാനം പറത്താൻ ആകില്ലെന്ന് പൈലറ്റ്, ഡ്യൂട്ടി സമയം കഴിഞ്ഞെന്ന് വാദം, വലഞ്ഞ് 350-ഓളം യാത്രക്കാർ

ന്യൂഡൽഹി: കാലാവസ്ഥ പ്രതികൂലമായതിനെ തുടർന്ന് ജയ്പൂരിൽ ഇറക്കിയ വിവാനം വീണ്ടും പറത്താൻ ആകില്ലെന്ന് പൈലറ്റ്. തന്റെ ഡ്യൂട്ടി സമയം കഴിഞ്ഞെന്ന് പറഞ്ഞായിരുന്നു അദ്ദേഹം വിമാനം പറത്താൻ വിസമ്മതിച്ചത്. ഞാറാഴ്ച പുലർച്ചെ നാല് മണിയോടെ ജയ്പൂരിൽ ഇറക്കിയ വിമാനം അഞ്ച് മണിക്കൂറുകൾക്ക് ശേഷം യാത്ര വീണ്ടും തുടരാൻ അധികൃതർ ആവശ്യപ്പെട്ടപ്പോളാണ് അദ്ദേഹം ഇത്തരത്തിൽ മറുപടി നൽകിയത്.

ഇത് അധികൃതരെയും 350-ഓളംവരുന്ന വിമാനയാത്രക്കാരെയോയും ഒരുപോലെ കുഴപ്പത്തിലാക്കി. ജയ്പൂർ വിമാനത്താവളത്തിൽ എത്തി രണ്ട് മണിക്കൂറുകൾക്ക് ശേഷമായിരുന്നു പൈലറ്റ് യാത്ര പുനരാരംഭിക്കാൻ വിസമ്മതിച്ചത്. ഇയാൾക്കെതിരെ നടപടി എടുക്കണമെന്നാണ് ഉയരുന്ന ആവശ്യം.

വിമാനത്തിൽ 350-ഓളം യാത്രക്കാരാണ് ഉണ്ടായിരുന്നത്. ഏറെ നേരമായിട്ടും യാത്ര ആരംഭിക്കാൻ കഴിയാത്തതോടെ കുറച്ചു പേരെ റോഡ് മാർഗ്ഗം ലക്ഷ്യ സ്ഥാനത്ത് എത്തിച്ചു. മൂന്ന് മണിക്കൂറിന് ശേഷം ബാക്കിയുള്ള യാത്രക്കാരെ പകരം പൈലറ്റ് എത്തി യാത്ര തുടർന്നു.