റൊണാള്‍ഡോയ്‌ക്കൊപ്പമുള്ള കിടപ്പറ ദൃശ്യങ്ങൾ കൈവശമുണ്ട് ; പ്ലേബോയ് മോഡലിന്റെ ഞെട്ടിക്കുന്ന വെളിപ്പെടുത്തൽ

ലിസ്ബണ്‍ : ക്രിസ്റ്റ്യാനോ റൊണാള്‍ഡോയ്‌ക്കൊപ്പം കിടപ്പറ പങ്കിട്ടിട്ടുണ്ടെന്നും അത് തെളിയിക്കുന്ന ദൃശ്യങ്ങള്‍ കൈവശമുണ്ടെന്നുമുള്ള ഞെട്ടിക്കുന്ന വെളിപ്പെടുത്തലുമായി ചിലിയന്‍ പ്ലേബോയ് മോഡല്‍ ഡാനിയെല്ല ഷാവേസ്. 2015ൽ റഷ്യന്‍ മോഡല്‍ ഐറിന ഷായ്ക്കുമായുള്ള ബന്ധം അവസാനിപ്പിച്ച ശേഷമാണു റൊണാള്‍ഡോ താനുമായി അടുപ്പത്തിലാകുന്നതെന്ന് ഡാനിയെല്ല പറയുന്നു.

കാര്യങ്ങള്‍ ട്വിറ്ററിലൂടെ വെളിപ്പെടുത്തിയ ഡാനിയെല്ല, പിന്നീട് ട്വീറ്റ് നീക്കം ചെയ്യുകയായിരുന്നു. ജോര്‍ജിന റോഡ്രിഗസാണ് നിലവില്‍ റൊണാള്‍ഡോയുടെ പങ്കാളി. അതേസമയം റൊണാള്‍ഡോയുടെ സ്വകാര്യതയെ കരുതി താരത്തിനൊപ്പമുള്ള ദൃശ്യങ്ങള്‍ പുറത്തുവിടില്ലെന്നും ഡാനിയെല്ല കുറിച്ചു. റൊണാള്‍ഡോയെ ടാഗ് ചെയ്താണ് അവര്‍ ട്വീറ്റ് ചെയ്തത്. ദൃശ്യങ്ങളില്‍ ഇരുവരും പൂര്‍ണ നഗ്നരാണെന്നും മോഡൽ പറഞ്ഞു.

ഫ്രഞ്ച് ക്ലബ്ബ് പിഎസ്ജിയുടെ അര്‍ജന്റീന താരം ലയണല്‍ മെസ്സിക്കെതിരെയും മോഡൽ ആരോപണം ഉന്നയിച്ചു. മെസ്സി തന്റെ ഭാര്യ ആന്റൊനെല്ല റക്കൂസോയോട് വിശ്വാസവഞ്ചന കാണിച്ചെന്നാണ് ഡാനിയെല്ല പറയുന്നത്. മെസ്സി മറ്റൊരു യുവതിയുമായി ഡേറ്റിങ്ങിനുപോയ സംഭവത്തെ കുറിച്ച് തനിക്ക് അറിയാമെന്നാണ് ഡാനിയെല്ല പറഞ്ഞു.