വന്ദേഭാരത് ട്രെയിനുള്ളിൽ പ്രധാനമന്ത്രി നരേന്ദ്ര മോദി വിദ്യാർത്ഥികളുമായി സംവദിച്ചു

തിരുവനന്തപുരം: വന്ദേഭാരത് ട്രെയിൻ ഫ്ലാഗ് ഓഫ് അടക്കമുള്ള പദ്ധതികളുടെ ഉദ്ഘാടനത്തിനായി എത്തിയ പ്രധാനമന്ത്രി നരേന്ദ്ര മോദി ട്രെയിനുള്ളിൽ വിദ്യാർത്ഥികളുമായി സംവദിച്ചു. വന്ദേഭാരത് സിപി-1 കോച്ചിൽ കയറിയ അദ്ദേഹം വിദ്യാർത്ഥികളുമായി സംവദിച്ചു. തങ്ങൾ കരുതി വെച്ചിരുന്ന ചിത്രങ്ങളും മറ്റും കുട്ടികൾ. പ്രധാനമന്ത്രിക്ക് കൈമാറി. വന്ദേഭാരത് ട്രെയിൻ ഉദ്‌ഘാടനത്തിന് മുൻപാണ് അദ്ദേഹം കുട്ടികളുമായി കൂടിക്കാഴ്ച നടത്തിയത്. കേന്ദ്ര വിദ്യാലയത്തിലെ കുട്ടികളാണ് വന്ദേഭാരത് ട്രെയിനുള്ളിൽ ഉണ്ടായിരുന്നത്.
പ്രധാനമന്ത്രിക്കൊപ്പം മുഖ്യമന്ത്രി പിണറായി വിജയനും ഗവർണർ ആരിഫ് മുഹമ്മദ് ഖാനും വന്ദേഭാരത് ട്രെയിനുള്ളിൽ കയറിയിരുന്നു.

കേരളത്തിലെ ആദ്യ വന്ദേ ഭാരത് എക്‌സ്പ്രസ് ട്രെയിൻ പ്രധാനമന്ത്രി നരേന്ദ്ര മോദി ഫ്‌ളാഗ്ഓഫ് ചെയ്തു. മലയാളികളുടെ വർഷങ്ങളായുള്ള കാത്തിരിപ്പിന് വിരാമമിട്ടുകൊണ്ടാണ് അദ്ദേഹം വന്ദേ ഭാരത് എക്‌സ്പ്രസ് ട്രെയിനിന് തലസ്ഥാനത്ത് പച്ചക്കൊടി കിട്ടിയിരിക്കുന്നത്. ഇതോടെ കേരളത്തിലും വന്ദേ ഭാരത് എന്നത് യാഥാർഥ്യമായിരിക്കുന്നു. ഫ്ലാഗ് ഓഫിന് ശേഷം വന്ദേ ഭാരത് ആദ്യ ഓട്ടം തുടങ്ങി. മിന്നൽ വേഗതയിൽ പാഞ്ഞ ട്രെയിൻ കണ്ടു നിന്നവർക്ക് ആവേശക്കാഴ്ചയായി.

ആദ്യ വന്ദേ ഭാരത് എക്‌സ്പ്രസ് ട്രെയിൻ ഉദ്‌ഘാടനത്തിന് ശേഷം അദ്ദേഹം കേരളത്തിലെ ആദ്യത്തെ വാട്ടർ മെട്രോയും ഉദ്ഘാടനം ചെയ്യുന്നുന്നതാണ്. ഒപ്പം തിരുവനന്തപുരത്ത് ഡിജിറ്റൽ സയൻസ് പാർക്കിന് മോദി തറക്കല്ലിടും. ഇത് രാജ്യത്തെ തന്നെ ആദ്യത്തേതാണ്. ഡിജിറ്റൽ സയൻസ് പാർക്ക് കേരളത്തിന്റെ വിജ്ഞാന രംഗത്തെ മുന്നേറ്റങ്ങൾക്ക് ഊർജ്ജമാകും എന്നാണു കണക്കാക്കുന്നത്.