കൊച്ചിയിലെത്തുന്ന പ്രധാനമന്ത്രി വിദ്യാർത്ഥികളുമായി സംവദിക്കും, തിരഞ്ഞെടുക്കുന്നവർക്ക് വന്ദേഭാരതിൽ പ്രധാനമന്ത്രിക്കൊപ്പം യാത്രചെയ്യാനും അവസരം

തിരുവനന്തപുരം: സംസ്ഥാനത്തെ ആദ്യ വന്ദേഭാരത് ഉദ്ഘാടത്തിന് ശേഷം പ്രധാനമന്ത്രി വിദ്യാർത്ഥികളുമായി സംവദിക്കും. 12 മുതൽ 18വരെ പ്രായപരിധിയുള്ള വിദ്യാർഥികളെയാണ് ഇതിനായി തിരഞ്ഞെടുക്കുന്നത്. ഇതിനായി വിദ്യാർത്ഥികളുടെ പേര് വിവരങ്ങൾ നൽകാൻ സ്‌കൂളുകളോട് അധികൃതർ നിർദേശം നൽകി. ഇത്തരത്തിൽ തിരഞ്ഞെടുക്കുന്ന വിദ്യാർത്ഥികൾക്ക് വന്ദേഭാരതിൽ പ്രധാനമന്ത്രിക്കൊപ്പം യാത്രചെയ്യാനും അദ്ദേഹവുമായി സംവദിക്കാനും അവസരം ലഭിക്കും.

കലാരംഗങ്ങളിൽ മികവ് പുലർത്തിയ വിദ്യാർത്ഥികളെ തിരഞ്ഞെടുക്കാനാണ് റെയിൽവേ നിർദ്ധേശം. ഇത് സംബന്ധിച്ച് റെയിൽവേ സ്‌കൂളുകൾക്ക് കത്തയച്ച് പറഞ്ഞു.ഏപ്രിൽ 25- നാണ് പ്രധാനമന്ത്രി വന്ദേഭാരത് ഫ്ളാഗ് ഓഫ് ചെയ്യുന്നത്. ഉദ്ഘാടന ദിവസം തിരുവനന്തപുരം മുതൽ കൊല്ലം വരെ അദ്ദേഹം യാത്ര ചെയ്യും. യാത്രയ്‌ക്കിടയിൽ പ്രധാനമന്ത്രി യാത്രക്കാരുമായും സംവദിക്കും.

വന്ദേഭാരത് ട്രെയിനിന്റെ രണ്ടാം ഘട്ട പരീക്ഷണ ഓട്ടം വിജയകരമായി പൂർത്തീകരിച്ചു. തിരുവനന്തപുരത്ത് നിന്ന് ആരംഭിച്ച് കാസർകോട് വരെയായിരുന്നു യാത്ര. രാവിലെ 5.20ന് പുറപ്പെട്ട ട്രെയിൻ 1.10നാണ് കാസർകോട് എത്തിയത്. 7 മണിക്കൂർ 50 മിനിട്ടാണ് യാത്രയ്‌ക്കെടുത്തത്.