കോണ്‍ഗ്രസും ഡിഎംകെയും ഹിന്ദു ധര്‍മ്മത്തെ അധിക്ഷേപിക്കാനുള്ള ഒരവസരവും പാഴാക്കാറില്ലെന്ന് പ്രധാനമന്ത്രി നരേന്ദ്രമോദി

ചെന്നൈ. രാഹുലിന്റെ ശക്തി പരാമര്‍ശത്തിനെതിരെ വീണ്ടും വിമര്‍ശനവുമായി പ്രധാനമന്ത്രി നരേന്ദ്രമോദി. ഹിന്ദു ധര്‍മ്മത്തെ അധിക്ഷേപിക്കാനുള്ള ഒരു അവസരവും ഇന്‍ഡി സഖ്യത്തിലെ മുന്നണികള്‍ പാഴാക്കാറില്ലെന്ന് പ്രധാനമന്ത്രി നരേന്ദ്രമോദി കുറ്റപ്പെടുത്തി. ഇവര്‍ മറ്റൊരു മതത്തെക്കുറിച്ചും സംസാരിക്കാതെ സനാതന ധര്‍മ്മത്തെ നിരന്തരമായി അവഹേളിക്കുകയാണെന്നും അദ്ദേഹം പറഞ്ഞു.

ഹിന്ദു ധര്‍മ്മത്തിനെതിരെ ഇന്‍ഡി സഖ്യം നടത്തുന്ന ഓരോ പരാമര്‍ശനും മനപൂര്‍വ്വമുള്ളതാണ്. മുന്‍കൂട്ടിയാലോചിച്ച് പറയുന്ന പരാമര്‍ശങ്ങളാണത്. മറ്റ് മതങ്ങളെക്കുറിച്ച് അവര്‍ ശബ്ദിക്കാറില്ല. എന്നിട്ടും ശക്തിയെ ഉന്മൂലനം ചെയ്യണമെന്നാണ് ഡിഎംകെയും കോണ്‍ഗ്രസും പ്രഖ്യാപിച്ചിരിക്കുന്നതെന്നും പ്രധാമന്ത്രി പറഞ്ഞു.

ഡിഎംകെയും കോണ്‍ഗ്രസും ഒരേ നാണയത്തിന്റെ ഇരുവശങ്ങളാണ്. അഴിമതിയും കുടുംബാധിപത്യവുമാണ് ഇരുകൂട്ടരുടെയും സമവാക്യം. കേന്ദ്രത്തില്‍ നിന്നും കോണ്‍ഗ്രസ് ഭരണം തുടച്ച് നീക്കിയപ്പോള്‍ 5ജി ടെക്‌നോളജി വന്നുവെന്നും അദ്ദേഹം പറഞ്ഞു.