ചരിത്രപരമായ കെട്ടിടത്തോട് യാത്ര പറയാന്‍ ഒരുങ്ങുന്നു, പഴയ പാര്‍ലമെന്റ് മന്ദിരം തലമുറകളെ പ്രചോദിപ്പിക്കും പ്രധാനമന്ത്രി

ന്യൂഡല്‍ഹി. ഇന്ന് ഇന്ത്യയുടെ വിജയഗാഥ ലോകമാകെ വാഴ്ത്തുകയാണ്. നമ്മുടെ പാര്‍ലമെന്റിന്റെ 75 വര്‍ഷത്തെ ചരിത്രത്തിന്റെ കൂട്ടായ പ്രയത്‌നങ്ങളുടെ ഫലമാണിതെന്ന് പ്രധാനമന്ത്രി നരേന്ദ്രമോദി. പ്രത്യേക പാര്‍ലമെന്റ് സമ്മേളനത്തില്‍ സംരാരിക്കുമ്പോഴാണ് ഇക്കാര്യം അദ്ദേഹം പറഞ്ഞത്. പുതിയ പാര്‍ലമെന്റ് മന്ദിരത്തിലേക്ക് മാറിയാലും പഴയ മന്ദിരം തലമുറകളെ പ്രചോദിപ്പിക്കുമെന്ന് അദ്ദേഹം വ്യക്തമാക്കി.

ബ്രിട്ടീഷ് ഇന്ത്യയുടെ ഇംപീരിയല്‍ ലെജിസ്ലേറ്റീവ് കൗണ്‍സിലായിരുന്നു സ്വാതചന്ത്യത്തിന് മുന്‍പ് ഈ കെട്ടിടം. എന്നാല്‍ സ്വാതന്ത്ര്യത്തിന ശേഷം ഇത് ഇന്ത്യയുടെ പാര്‍ലമെന്റായി. ചരിത്ര പരമായ കെട്ടിടത്തോടെ നാം യാത്ര പറയാന്‍ ഒരുങ്ങുകയാണ്. വിദേശ ഭരണാധികാരികളാണ് കെട്ടിടം നിര്‍മിക്കാന്‍ തീരുമാനം എടുത്തത് എന്നത് ശരിയാണ്. എന്നാല്‍ നിര്‍മാണത്തിനായി വിയര്‍പ്പ് ഒഴുക്കിയത് ഇന്ത്യക്കാരാണെന്നും അദ്ദേഹം പറഞ്ഞു.

ദരിദ്ര കുടുംബത്തില്‍ ജനിച്ച ഒരു കുട്ടിക്ക്, റെയില്‍വേ പ്ലാറ്റ് ഫോമില്‍ കിടന്നുറങ്ങിയ ബാല്യമുള്ള ഒരാള്‍ക്ക് പാര്‍ലമെന്റ് മന്ദിരത്തില്‍ പ്രവേശിക്കാന്‍ സാധിക്കുമെന്ന് കരുതിയില്ല. ജനങ്ങളില്‍ നിന്നും ഇത്ര അധികം സ്‌നേഹം ലഭിക്കുമെന്ന് താന്‍ കരുതിയില്ലെന്നും അദ്ദേഹം പറഞ്ഞു. ഇന്ന് ഇന്ത്യയുടെ വിജയഗാഥ ലോകമാകെ വാഴ്ത്തുകയാണ്.

സാങ്കേതിക വിദ്യ, ശാസ്ത്രം, നമ്മുടെ ശാസ്ത്രജ്ഞരുടെ കഴിവ് 140 കോടി ജനങ്ങളുടെ കരുത്ത് എന്നിങ്ങനെ ഒരു പുതിയ ഇന്ത്യയെ തന്നെ ലോകം അറിഞ്ഞു. ഇന്ന് വീണ്ടും ഇന്ത്യയുടെ ശാസ്ത്രജ്ഞരെ അഭിനന്ദിക്കുകയാണെന്നും അദ്ദേഹം വ്യക്തമാക്കി. ജി20 വിജയം ഇന്ത്യയിലെ 140 കോടി ജനങ്ങളുടെ വിജയമാണെന്നും അദ്ദേഹം പറഞ്ഞു.