പോലീസ് വീടുകയറി ആക്രമിച്ചു, ബൂട്ടിട്ട് ചവിട്ടി സൈനികന്റെ അമ്മ

കഴിഞ്ഞ ദിവസം കൊല്ലം കൊട്ടിയം പോലീസും സംഘവും നട്ടപാതിരായിൽ പട്ടാളക്കാരന്റെ വീട്ടിൽ കയറി ആക്രമണം നടത്തിയ വാർത്തകൾ കർമ ന്യൂസ് പുറത്തു വിട്ടിരുന്നു. പട്ടാളക്കാരെനെയും അച്ഛനെയും നിലത്തിട്ട് ബൂട്ടിട്ട് ചവിട്ടി കൂട്ടിയ പോലീസുകാർ സൈനികന്റെ അമ്മയെയും ആക്രമിച്ചിരുന്നു. അന്നത്തെ ആ ഏറ്റുമുട്ടലിൽ അമ്മയുടെ കാലിനു ഒടിവ് ഉണ്ടായെന്നു സൈനികന്റെ ഭാര്യ.

ഇപ്പോഴിതാ പോലീസിന്റെ വീടുകയറി ആക്രമണത്തിൽ സൈനികന്റെ ‘അമ്മ പ്രതികരിക്കുകയാണ്. അന്ന് രാത്രി വീട്ടിൽ ഉണ്ടായ സംഭവം വിവരിക്കുകയാണ്.  ‘സൈനികനും പിതാവിനും എതിരെ ഇപ്പോൾ കേസേടുത്തു ജയിലിൽ അടച്ചിരിക്കുകയാണ്. ഈ അമ്മയ്ക്കും അന്ന് പോലീസ് മർദ്ദനത്തിൽ ഗുരുതര പരിക്കേറ്റിരുന്നു. ഇപ്പോൾ ‘അമ്മ ചികത്സയിലാണ് ഉള്ളത് ,അന്ന് എന്താണ് നടന്നത് എന്ന് വിശദികരിക്കുകയാണ് ‘അമ്മ.

അവർ വന്നപ്പോൾ മകനെ വിളിച്ചുണർത്തിയെന്നും. അവർ സംസാരിച്ച് കൊണ്ടിരുന്നപ്പോൾ തകർക്കമായെന്നും തുടർന്ന് പോലീസ് അകത്തെക്ക് കയറി മകനെ മർദ്ദിച്ചുവെന്നും അമ്മ പറയുന്നു. തുടർന്ന് തുണികൊണ്ട് കയ്യും കാലുംകെട്ടി ദേഹത്ത് കയറി ഇരുന്ന് മർദ്ദിക്കുകയായിരുന്നു. തന്റെ മകനെ തല്ലെരുത് എന്ന് പറഞ്ഞപ്പോൾ പോടി എന്ന് പറഞ്ഞ് തന്നെ തള്ളിയെന്നും അമ്മ പറയുന്നു.

തള്ളിയപ്പോൾ തല ചുമരിൽ ഇടിച്ചു. പിന്നീട് കാലിൽ ചവിട്ടിയെന്നും അമ്മ പറയുന്നു. തുടർന്ന് എസ്‌ഐ അസഭ്യം പറഞ്ഞുവെന്നും അമ്മ പറയുന്നു. മനപൂർവം മകനുമായി വഴക്ക് ഉണ്ടാക്കുവനായിരുന്നു അവർ എത്തിയതെന്ന് അമ്മ പറയുന്നു.