തിരുവനന്തപുരം: മേയറിന്റെ റോഡ് ഷോ, കെ.എസ്.ആര്.ടി.സി ബസിനുള്ളിലെ സി.സി ടി.വി ക്യാമറയുടെ മെമ്മറി കാര്ഡ് കാണാതായതിന് പിന്നില് രാഷ്ട്രീയ ഗുഢാലോചനയെന്ന് പ്രതിപക്ഷനേതാവ് വി.ഡി സതീശന്. ദൃശ്യങ്ങള് പുറത്തുവന്നാല് തങ്ങളുടെ വാദങ്ങള് പൊളിയുമെന്ന ആശങ്കയില് മെമ്മറി കാര്ഡ് ബോധപൂര്വം എടുത്തുമാറ്റുകയും നശിപ്പിക്കുകയും ചെയ്തതായി സംശയമുണ്ട്. കേസില് നിര്ണായക തെളിവാകുമായിരുന്ന മെമ്മറി കാര്ഡ് അപ്രത്യക്ഷമായതിന് പിന്നില് രാഷ്ട്രീയ ഗൂഢാലോചനയുണ്ടോയെന്ന് പരിശോധിക്കണമെന്നും വി.ഡി സതീശന് വാര്ത്താ സമ്മേളനത്തില് ആവശ്യപ്പെട്ടു.
ഒരാളുടെ പരാതിയില് കേസെടുക്കുകയും മറു ഭാഗത്തിന്റെ പരാതി തള്ളിക്കളയുകയും ചെയ്യുന്നത് ഇരട്ടനീതിയാണ്. ഈ സംഭവത്തില് പോലീസിനും കെ.എസ്.ആര്.ടി.സി മാനേജ്മെന്റിനും ഗുരുതരമായ വീഴ്ചപറ്റിയെന്നും സതീശന് പറഞ്ഞു. മേയറുടെ ഭര്ത്താവും എം.എല്.എയുമായ സച്ചിന് ദേവ് ബസിനുള്ളില് കയറി യാത്രക്കാരെ ഇറക്കിവിട്ടെന്ന ആരോപണം നിലനില്ക്കെയാണ് മെമ്മറി കാര്ഡ് അപ്രത്യക്ഷമായത്.
നഗരമധ്യത്തില് കാര് ബസിന് കുറുകെയിട്ട് പതിനഞ്ചോളം യാത്രക്കാരെ നടുറോഡില് ഇറക്കിവിട്ടിട്ടും കെ.എസ്.ആര്.ടി.സി അധികൃതര് പ്രതികരിച്ചില്ല. യാതക്കാരോട് കെ.എസ്.ആര്.ടി.സിക്ക് ഒരു ഉത്തരവാദിത്വവുമില്ലേ? ബസിന്റെ ട്രിപ്പ് മുടക്കിയിട്ടും പോലീസില് പരാതി നല്കിയില്ല. ഒരു സാധാരണക്കാരന് ഇങ്ങനെ ചെയ്താലും ഇതാണോ കെ.എസ്.ആര്.ടി.സിയുടെ സമീപനം? അതോ മേയര്ക്കും എം.എല്.എയ്ക്കും എന്തെങ്കിലും പ്രിവിലേജുണ്ടോ? മേയര്ക്കും സംഘത്തിനുമെതിരെ പരാതി നല്കാതെ ആരുടെ താല്പര്യമാണ് കെ.എസ്.ആര്.ടി.സി സംരക്ഷിക്കുന്നതെന്നും സതീശന് ചോദിച്ചു.
മമ്മൂട്ടിയും അദ്ദേഹത്തിൻ്റെ പുഴു എന്ന ചിത്രവും സൈബർ ലോകത്തെ ചർച്ചകളിൽ നിറയുകയാണ്. 2022-ൽ പുറത്തിറങ്ങിയ ഒട്ടേറെ ചർച്ചകൾക്ക് വിധേയമായ 'പുഴു'…
തിരുവനന്തപുരം: വരും ദിവസങ്ങളിൽ അതിശക്തമായ മഴയ്ക്ക് മുന്നറിയിപ്പ് നിലനിൽക്കെ കേരളത്തിൽ ഇന്ന് വ്യാപക മഴയ്ക്ക് സാധ്യത. വിവിധ ജില്ലകളിൽ ഇന്ന്…
കോഴിക്കോട്: കോഴിക്കോട് മെഡിക്കല് കോളജില് അവയവം മാറി ശസ്ത്രക്രിയ ചെയ്തെന്ന വാര്ത്ത തെറ്റിദ്ധാരണാജനകമെന്ന് കെജിഎംസിടിഎ. ആശുപത്രിയില് ആറാം വിരല് നീക്കം…
തിരുവനന്തപുരം: ഗുണ്ടകൾക്കെതിരെ സംസ്ഥാന വ്യാപക നടപടിയുമായി കേരള പൊലീസ്. ഇന്ന് നടത്തിയ സ്പെഷ്യല് ഡ്രൈവില് 301 ഗുണ്ടകൾക്കെതിരെയാണ് നടപടി സ്വീകരിച്ചത്.…
കൊച്ചി: പെരുമ്പാവൂരിൽ എക്സൈസിന്റെ മിന്നൽ പരിശോധന. പെരുമ്പാവൂർ ടൌൺ, വൈകിട്ട് 4 മണിമുതൽ രാത്രി 8 മണി വരെ നീണ്ട…
ന്യൂഡൽഹി: കൊട്ടരങ്ങളിൽ ജനിച്ച രാജകുമാരന്മാർക്ക് കഠിനാധ്വാനം ചെയ്ത് ശീലമില്ല. സമാജ്വാദിയിലെയും കോൺഗ്രസിലെയും രാജകുമാരന്മാർക്ക് രാജ്യത്തിന്റെ വികസനമെന്നാൽ കുട്ടിക്കളിയാണ്. രാഹുൽഗാന്ധിയേയും അഖിലേഷ്…