ത്രിപുരയിൽ ഫെബ്രുവരി 16ന് പോളിംഗ്, മേഘാലയയിലും നാഗാലാൻഡിലും ഫെബ്രുവരി 27ന്

ന്യൂഡൽഹി. ത്രിപുര, നാഗാലാൻഡ്, മേഘാലയ എന്നീ സംസ്ഥാനങ്ങളിലെ നിയമസഭാ തിരഞ്ഞെടുപ്പ് തീയതികൾ പ്രഖ്യാപിച്ചു. ത്രിപുരയിൽ ഫെബ്രുവരി 16-നും നാഗാലാൻഡ്, മേഘാലയ എന്നിവിടങ്ങളിൽ ഫെബ്രുവരി 27-നുമായിരിക്കും വോട്ടെടുപ്പ് നടക്കുക. മൂന്ന് സംസ്ഥാനങ്ങളിലും വോട്ടെണ്ണൽ മാർച്ച് രണ്ടിന് നടക്കും.

ഇന്ന് ഡൽഹിയിൽ നടത്തിയ വാർത്താസമ്മേളനത്തിൽ മുഖ്യ തിരഞ്ഞെടുപ്പ് കമ്മിഷണർ രാജീവ് കുമാറാണ് തിരഞ്ഞെടുപ്പ് തീയതികൾ പ്രഖ്യാപിച്ചത്. മൂന്ന് സംസ്ഥാനങ്ങളിലായി 62.8 ലക്ഷം വോട്ടർമാരാണുള്ളത്. ഇതിൽ 31.47 ലക്ഷം വോട്ടർമാർ സ്ത്രീകളാണ്. 80 വയസ്സിനു മുകളിലുള്ള 97,000 വോട്ടർമാരുണ്ട്. 1.76 ലക്ഷം പേർക്ക് കന്നി വോട്ടാണ് ഇത്തവണത്തേതെന്നും രാജീവ് കുമാർ പറഞ്ഞു.