പ്രധാനമന്ത്രി നരേന്ദ്രമോദിയുടെ അമേരിക്കയിലേക്ക് ചൊവ്വാഴ്ച പുറപ്പെടും, യുഎസുമായി പ്രതിരോധ കരാറുകള്‍ക്ക് സാധ്യത

ന്യൂഡല്‍ഹി. പ്രധാനമന്ത്രി നരേന്ദ്രമോദിയുടെ അമേരിക്കന്‍ സന്ദര്‍ശനത്തിന് ചൊവ്വാഴ്ച തുടക്കം കുറിച്ചും. ചൊവ്വാഴ്ച യാത്ര തിരിക്കുന്ന പ്രധാനമന്ത്രിയെ ന്യൂയോര്‍ക്കില്‍ അമേരിക്കയിലെ ഇന്ത്യന്‍ വംശജര്‍ സ്വീകരിക്കും. അമേരിക്കന്‍ പ്രസിഡന്റെ ജോ ബൈഡന്റ് ക്ഷണപ്രകാരമാണ് പ്രധാനമന്ത്രിയുടെ സന്ദര്‍ശനം. ബുധനാഴ്ച ന്യൂയോര്‍ക്കിലെ യുഎന്‍ ആസ്ഥാനത്ത് നടക്കുന്ന യോഗ സെഷന് പ്രധാനമന്ത്രി നരേന്ദ്രമോദി നേതൃത്വം നല്‍കും.

അതേസമയം ഇരു രാജ്യങ്ങളും തമ്മിലുള്ള പ്രധാന നയതന്ത്ര ചര്‍ച്ചകള്‍ ജൂണ്‍ 22നാണ്. പ്രതിരോധ സഹകരണം, നിര്‍ണായകമായ സാങ്കേതികവിദ്യകള്‍ എന്നിവ ചര്‍ച്ച ചെയ്യുന്ന യോഗങ്ങളില്‍ പ്രധാനമന്ത്രി പങ്കെടുക്കും. അതേസമയം രാജ്യം കാത്തിരിക്കുന്ന നിര്‍ണായക കരാറില്‍ അദ്ദേഹം ഒപ്പുവെയ്ക്കുമെന്നുമാണ് വിവരം. ഇന്ത്യയില്‍ യുദ്ധവിമാനം നിര്‍മിക്കുന്നതിനുള്ള കരാറിലാണ് മോദി ഒപ്പുവെയ്ക്കുക.

ജിഇ എഫ് 144 ജെറ്റ് എഞ്ചിനുകള്‍ ഇന്ത്യയില്‍ നിര്‍മിക്കുവനാണ് കരാര്‍. നിരവധി യുദ്ധവിമാനങ്ങളില്‍ ഉപയോഗിക്കുന്ന കരുത്തേറിയ എഞ്ചിനാണ് ഇത്. ജിഇ 414 എത്തുന്നതോടെ തേജസിന്റെ കരുത്ത് വര്‍ദിപ്പിക്കുവാന്‍ സാധിക്കും. അതേസമയം ഇന്ത്യന്‍ സംഘം തിരഞ്ഞെടുക്കപ്പെട്ട കമ്പനികളുടെ സിഇഒമാരുമായി ചര്‍ച്ച നടത്തും. പുതിയ കരാര്‍ എത്തുന്നതോടെ രാജ്യത്ത് കൂടുതല്‍ തൊഴില്‍ അവസരങ്ങള്‍ ഉണ്ടാകും. ജൂണ്‍ 23ന് പ്രധാനമന്ത്രി ഈജിപ്തിലേക്ക് യാത്ര തിരിക്കും.