ആ യാത്ര വല്ലാതെ മിസ്സ് ചെയ്യുന്നെന്ന് പൃഥ്വിരാജ്, എന്നാൽ എനിക്ക് മിസ്സ് ചെയ്യുന്നത് മറ്റൊന്നാണെന്ന് സുപ്രിയ

സോഷ്യൽ മീഡിയയിൽ നിറസാന്നിധ്യമാണ് സുപ്രിയ മേനോൻ. ജോർദ്ദാനിൽ ആടു ജീവിതത്തിന്റെ ഷൂട്ടിം​ഗിനായിപ്പോയപ്പോൾ മുതൽ ഓരോ വിശേഷങ്ങളും പ്രേക്ഷകരെ അറിയിച്ചിരുന്നു. പൃഥ്വിരാജും സംഘവും തിരിച്ചെത്തിയെങ്കിലും പ്രൃഥി കോറന്റൈനിലാണ്.

ഫിറ്റ്‌നെസ് വീണ്ടടുക്കാനുള്ള ശ്രമത്തിലാണ് താരമിപ്പോൾ.സമയം കിട്ടുമ്പോൾ സോഷ്യൽ മീഡിയയിലും താരം സജീവമാകാറുണ്ട്. പെയ്ഡ് ക്വാറന്റൈനിൽ താമസിക്കുന്ന പൃഥ്വി തന്റെ ക്വാറന്റൈൻ കേന്ദ്രത്തിൽ മിനി ജിം ഒരുക്കിയത് വാർത്തകളിൽ ഇടം നേടിയിരുന്നു. ശേഷം താരം പങ്കുവച്ച ചിത്രം സോഷ്യൽമീഡിയയിൽ ഏറെ ചർച്ച ചെയ്യപ്പെട്ടിരുന്നു. ഇപ്പോൾ ഇതാ പണ്ട് നടത്തിയ ഒരു യാത്ര ഓർമ്മയുണ്ടോയെന്ന് ഭാര്യ സുപ്രിയയോട് ചോദിച്ച് പൃഥ്വിരാജ് ഒരു ഫോട്ടോ ഷെയർ ചെയ്തിരിക്കുകയാണ്.

2020 ജനുവരിയിൽ നമ്മൾ രാജ്യാതിർത്തികൾ കടന്ന് നടത്തിയ ഡ്രൈവ് ഓർമ്മയുണ്ടോ. ദീർഘദൂര യാത്രയിൽ സ്വിറ്റ്‌സർലാൻഡ്/ഫ്രാൻസ് അതിർത്തിയിൽ വിശ്രമിച്ചത്. അന്നത്തെ വർഷത്തെക്കുറിച്ച് അത്തരം വ്യത്യസ്ത ആശയങ്ങൾ ഉണ്ടായിരുന്നു. ലോകം ഉടൻ സാധാരണ നിലയിലാകുമെന്ന് പ്രതീക്ഷിക്കുന്നുവെന്നും യാത്രക്കാർക്ക് അവർ ആഗ്രഹിക്കുന്ന യാത്ര നടത്താനാകുമെന്നും കരുതാം എന്നുമാണ് പൃഥ്വിരാജ് ഫോട്ടോ പങ്കുവച്ച് എഴുതിയത്.

എന്നാൽ ആ യാത്ര മിസ് ചെയ്യുന്നുവെങ്കിലും കൂടുതൽ മിസ് ചെയ്യുന്നത് പൃഥ്വിരാജിനെയാണ് എന്നായിരുന്നു സുപ്രിയ മേനോന്റെ മറുപടി.