ഇഷ്ട നടൻ ദുൽഖർ,ബാംഗ്ലൂർ ഡെയ്‌സും ഓകെ കൺണിയും കണ്ടിട്ടുണ്ട്, പി.വി സിന്ധു

ഒളിമ്പിക്സിൽ രണ്ട് മെഡൽ നേടുന്ന ആദ്യ ഇന്ത്യക്കാരിയാണ് പിവി സിന്ധു. 2016ലെ ഒളിമ്പിക്സിൽ വെള്ളി നേടിയ സിന്ധു 2021ൽ വെങ്കലമാണ് നേടിയത്. പി.വി. സിന്ധുവിന് അഭിനന്ദനങ്ങൾ അറിയിക്കുകയാണ് കോടിക്കണക്കിന് ജനങ്ങൾ. നേരത്തെ ഒരിക്കൽ കേരളത്തിൽ എത്തിയപ്പോഴുള്ള സിന്ധുവിന്റെ ഒരു അഭിമുഖമാണ് ഇപ്പോൾ സോഷ്യൽ മീഡിയയിൽ ചർച്ചയാകുന്നത്. തുടർച്ചയായി രണ്ട് ഒളിംപിക്സുകളിൽ മെഡൽ നേടുന്ന ആദ്യ ഇന്ത്യക്കാരിയായി മാറിയപ്പോൾ ഒരിക്കൽ കൂടി അഭിമുഖത്തിലെ പരാമർശങ്ങൾ ഉയർന്നു വരികയായിരുന്നു.

ബാംഗ്ലൂർ ഡെയ്സ് കണ്ടിട്ടുണ്ട്. ദുൽഖർ സൽമാനെ വളരെ ഇഷ്ടമാണ്. അദ്ദേഹത്തിന്റെ തന്നെ ഓകെ കൺമണി എന്ന ചിത്രവും കണ്ടിട്ടുണ്ട് എന്നാണ് സിന്ധു പറയുന്നത്. മൂന്നാം സ്ഥാനത്തിനുള്ള മുഖാമുഖത്തിൽ ചൈനയുടെ ഹെ ബിങ് ജിയാവോയെ 21-13, 21-15 എന്ന സ്‌കോറിന് മറികടന്ന് ആയിരുന്നു സിന്ധുവിന്റെ വെങ്കലനേട്ടം.

ടോക്യോയിൽ ഇന്ത്യയുടെ മെഡൽനേട്ടം രണ്ടായി ഉയർന്നു. സെമിയിലെന്നപോലെ വെങ്കല മെഡൽപോരിലും ആദ്യം മുന്നിലെത്തിയത് സിന്ധു ആയിരുന്നു. ബിങ് ജിയാവോയുടെ മേൽ 4-0ന്റെ മുൻതൂക്കം സിന്ധു പിടിച്ചെടുത്തു. എന്നാൽ ശക്തമായി തിരിച്ചടിച്ച ബിങ് ജിയാവോ ആറിൽ അഞ്ച് പോയിന്റും പോക്കറ്റിലാക്കി 5-5ന് ഒപ്പമെത്തി