ചൂടിന് ആശ്വാസം, ഈ ജില്ലകൾക്ക് മഴ മുന്നറിയിപ്പ്

തിരുവനന്തപുരം : ഉഷ്ണത്തിന് നേരിയ ആശ്വസമേകാൻ മഴ എത്തുമെന്ന് കാലാവസ്ഥ വകുപ്പ്. വ്യാഴാഴ്ച മലപ്പുറത്തും വയനാടും വെള്ളിയാഴ്ച ഇടുക്കിയിലും യെല്ലോ അലർട്ടും പ്രഖ്യാപിച്ചു.എന്നാൽ ഇന്ന് ഇടുക്കി, വയനാട് ഒഴികെയുള്ള 12 ജില്ലകളിൽ‌ താപനില മുന്നറിയിപ്പ് നിലനിൽക്കുന്നുണ്ട്. പാലക്കാട് ഉയർ‌ന്ന താപനില 39 ഡി​ഗ്രിയോടടുത്ത് തുടരും. ആലപ്പുഴയിലും കോഴിക്കോടും രാത്രികാല താപനില ഉയരാനും സാധ്യതയുണ്ട്.

അതേസമയം, ചൂ​ട് ക​ന​ത്ത​തോ​ടെ ക​ട​ലി​ലും കാ​യ​ലി​ലും മ​ത്സ്യ​ല​ഭ്യ​ത കു​റ​ഞ്ഞ​തോ​ടെ മ​ത്സ്യ​ത്തൊ​ഴി​ലാ​ളി​ക​ൾ ദു​രി​ത​ത്തി​ൽ. ക​ട​ലി​ൽ മ​ത്സ്യ​ബ​ന്ധ​ന​ത്തി​ന് പോ​കു​ന്ന തൊ​ഴി​ലാ​ളി​ക​ളാ​ണ് ഏ​റെ ദു​രി​ത​ത്തി​ലാ​യ​ത്. ചൂ​ട് ക​ന​ത്ത​തോ​ടെ മ​ത്സ്യ​ങ്ങ​ൾ ഉ​പ​രി​ത​ലം വി​ട്ട് ഉ​ള്ളി​ലോ​ട്ട് വ​ലി​ഞ്ഞ​തോ​ടെ ആ​ഴ​ക്ക​ട​ലി​ലും തീ​ര​ക്ക​ട​ലി​ലും മ​ത്സ്യം ല​ഭി​ക്കാ​ത്ത അ​വ​സ്ഥ​യാ​ണ്.

ചൂ​ട് ഏ​റി​യ​തോ​ടെ ക​ട​ലി​ന്‍റെ ആ​ഴ​ങ്ങ​ളി​ൽ ക​ഴി​ച്ചു​കൂ​ട്ടു​ക​യാ​ണ് മ​ത്സ്യ​ങ്ങ​ളെ​ന്ന് മു​തി​ർ​ന്ന മ​ത്സ്യ​ത്തൊ​ഴി​ലാ​ളി​ക​ൾ പ​റ​യു​ന്നു. കാ​യ​ലു​ക​ളു​ടെ അ​ടി​ത്ത​ട്ടി​ലേ​ക്ക് മ​ത്സ്യ​ങ്ങ​ൾ വ​ലി​ഞ്ഞി​രി​ക്ക​യാ​ണെ​ന്ന് പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി​ക​ളും പ​റ​യു​ന്നു. ര​ണ്ടു മാ​സ​ത്തോ​ള​മാ​യി അ​നു​ഭ​വ​പ്പെ​ടു​ന്ന ക​ടു​ത്ത ചൂ​ട് മ​ത്സ്യ​ത്തൊ​ഴി​ലാ​ളി​ക​ളെ ശ​രി​ക്കും വ​ല​ക്കു​ക​യാ​ണ്.