അധിക്ഷേപം ആദ്യം നേരിട്ടത് തീർത്ഥ,വെറും തൊഴിലാളി ആയതു കൊണ്ട് അന്നത്തെ വരുമാനം ഇല്ലാണ്ടായി, രഞ്ജു രഞ്ജിമാർ

സോഷ്യൽ മീഡിയയിൽ കഴിഞ്ഞ ദിവസം ഏറെ ചർച്ചയായി മാറിയ സംഭവമായിരുന്നു ട്രാൻസ്‌ജെൻഡർ യുവതിയായ സജന ഷാജിയുടെ ഫേസ്ബുക്ക് ലൈവ്.കൊച്ചി ഇരുമ്പനത്ത് ബിരിയാണി കച്ചവടം ചെയ്യുന്നതിനിടെ സമീപത്തെ കച്ചവടക്കാർ അത് തടഞ്ഞതോടെയാണ് ട്രാൻസ്‌ജെൻഡർ യുവതിയായ സജന ഷാജി ഫേസ്ബുക് ലൈവിലൂടെ താൻ നേരിട്ടതിനെക്കുറിച്ച് ‌വെളിപ്പെടുത്തിയത്.സജ്നക്ക് പിന്തുണയായിരാഷ്ട്രീയക്കാരും സിനിമ താരങ്ങളും രം​ഗത്തെത്തി.

സജ്നയ്ക്കായി സംഘടിക്കുമ്പോൾ ഒരു പേര് മറന്നുകൂടായെന്ന് പറയുകയാണ് രഞ്ജു രഞ്ജിമാർ അവഗണനയും പരിഹാസവും ആദ്യം നേരിട്ടത് തീർത്ഥയായിരുന്നുവെന്ന് രഞ്ജു രഞ്ജുമാർ കുറിക്കുന്നു.പ്രശ്നങ്ങൾ തുടങ്ങുന്നത് തീർത്ഥ കച്ചവടം നടത്തുന്ന പരിസരത്തായിരുന്നു.ഉപദ്രവം ഏറ്റതും,കച്ചവടം മുടങ്ങിയതും ഇവൾക്കായിരുന്നു.അവൾ വെറും തൊഴിലാളി ആയതു കൊണ്ട് അന്നത്തെ വരുമാനം ഇല്ലാണ്ടായി എന്നും രഞ്ജു രഞ്ജിമാർ കുറിക്കുന്നു

രഞ്ജു രഞ്ജിമാർ പങ്കുവച്ച കുറിപ്പ് വായിക്കാം

കഴിഞ്ഞ കുറച്ച് ദിവസങ്ങളായി സജ്ന ഷാജിയുടെ ബിരിയാണി കച്ചവടത്തിന്റെ പ്രശ്നം സമൂഹ മാധ്യമങ്ങളിൽ നിറഞ്ഞു നില്ക്കുമ്പോൾ മറന്നു പോകുന്ന ഒരു പേരാണ് തീർത്ഥ, പ്രശ്നങ്ങൾ തുടങ്ങുന്നത് തീർത്ഥ കച്ചവടം നടത്തുന്ന പരിസരത്തായിരുന്നു ഉപദ്രവം ഏറ്റതും, കച്ചവടം മുടങ്ങിയതും ഇവൾക്കായിരുന്നു, ഇവൾ വെറും തൊഴിലാളി ആയതു കൊണ്ട് അന്നത്തെ വരുമാനം ഇല്ലാണ്ടായി, സഹായഹസ്തങ്ങൾ നീളുമ്പോൾ അത് അർഹതയുള്ളവരിലേക്കും കൂടി എത്തിക്കാൻ സന്മനസ്സുളളവർ കരുണ കാട്ടണം