ആരാധകര്‍ക്ക് മുന്നില്‍ പൊട്ടിക്കരയുന്ന റിമി ടോമിയെ ഏറ്റെടുത്ത് സോഷ്യല്‍ മീഡിയ

ലോക്ക് ഡൗണ്‍ നീണ്ടുപോകുന്നതിനുപിന്നാലെ ആളുകള്‍ കൂടുതല്‍ സോഷ്യല്‍ മീഡിയയില്‍ സജീവമാകുകയാണ്. മലയാളികളുടെ പ്രിയ ഗായക റിമി ടോമിയും കൂടുതല്‍ സമയവും ചിലവഴിക്കുന്നത് സോഷ്യല്‍ മീഡിയയിലാണ്.. ദിവസവും ആരാധകര്‍ക്കായി താരം എന്തെങ്കിലും പങ്കുവയ്ക്കാറുണ്ട്. ഇപ്പോള്‍ റിമി ടിക്ക് ടോക്കിലും താരമായി മാറുകയാണ്. ഹിറ്റ് ചിത്രങ്ങളിലെ സീനുകള്‍ അനുകരിച്ച് റിമി പങ്കുവയ്ക്കുന്ന വീഡിയോ വൈറല്‍ ആകുന്നു. ഒരു തമിഴ് സിനിമയിലെ രംഗത്തെ അവതരിപ്പിച്ച റിമി ആദ്യമായിട്ടാണ് ടിക്ക് ടോക്കില്‍ ഡ്യൂയറ്റ് ചെയ്തതെന്നും കുറിച്ചുകൊണ്ട് പങ്കുവച്ച വീഡിയോ ഏറ്റെടുത്തിരിക്കുകയാണ് ആരാധകര്‍. ‘

ഫസ്റ്റ് ടൈം ആണ് ഡ്യൂയറ്റ് ചെയ്യണേ, ഈ പയ്യന്‍ ആരാണെന്ന് ഒന്നും അറിയില്ല്. ജസ്റ്റ് നോക്കിയപ്പോ കണ്ടു. ചെയ്ത് നോക്കി. എപ്പോഴും എന്റെ ചിരിക്കണ മുഖം അല്ലേ കണ്ടിട്ടുളളു, ഒരു വെറൈറ്റി. റിമി ടോമി ഇന്‍സ്റ്റഗ്രാമില്‍ കുറിച്ചു. നന്നായിട്ടുണ്ടെന്നും ഇനിയും അഭിനയിക്കണമെന്നും ഇതുപോലുള്ള പ്രകടനങ്ങള്‍ കാണാന്‍ കാത്തിരിക്കുകയാണഇന്നെും പറഞ്ഞ് ആരാധകര്‍ രംഗത്തെത്തി.

നിലവില്‍ ഒന്നും ഒന്നും മൂന്ന്. കോമഡി സ്റ്റാര്‍സ് തുടങ്ങിയ പരിപാടികളിലൂടെയാണ് റിമി ടോമി എത്താറുളളത്. കോമഡി സ്റ്റാര്‍സില്‍ ജഗദീഷ്, ഇന്നസെന്റ് തുടങ്ങിയവര്‍ക്കൊപ്പമാണ് ജഡ്ജായി നടിയും എത്താറുളളത്. മിനിസ്‌ക്രീന് പുറമെ സ്റ്റേജ് ഷോകളിലും തിളങ്ങിയിരുന്നു റിമി ടോമി. നടിയുടെ മിക്ക വീഡിയോകളും സോഷ്യല്‍ മീഡിയയില്‍ തരംഗമാവാറുണ്ട്.