ക്വാറന്റിൻ തുടങ്ങിയിട്ട് ഒരുമാസം പിന്നിടുന്നു, തുറന്ന് പറഞ്ഞ് സംവൃത

കൊറോണ വൈറസ് ഭീതിയിൽ ആണ് ലോകം മുഴുവൻ. കൊറോണ വ്യാപനം തടയാനായി ലോക്ക് ഡൗൺ നിലവിൽ വന്നത്. ഇതോടെ സിനിമ താരങ്ങളും വീടുകളിൽ ഒതുങ്ങി കൂടുകയാണ്. ഒരുപാട് നാളുകൂടി ദീർഘ സമയം വീടുകളിൽ നിക്കാൻ പറ്റിയ സന്തോഷം ആശങ്കകൾക്ക് ഇടയിലും അവർക്കുണ്ട്. ഇപ്പൊൾ ക്വാറന്റിൻ തുടങ്ങിയിട്ട് ഒരു മാസം ആയെന്നു വെളിപ്പെടുത്തി രംഗത്ത് എത്തി ഇരിക്കുക ആണ് മലയാളികളുടെ പ്രിയപ്പെട്ട താരമായ സംവൃത സുനിൽ.

സംവൃതയുടെ വാക്കുകൾ ഇങ്ങനെ;

‘ക്വാറന്റിൻ തുടങ്ങിയിട്ട് ഒരുമാസം പിന്നിടുന്നു. സത്യത്തിൽ എനിക്ക് ഇതുവരെ വെറുതെ ഇരിക്കാൻ സമയം കിട്ടിയില്ല എന്നതാണ് സത്യം. ഈ സമയം മുഴുവൻ കുടുംബത്തോടൊപ്പം ചിലവഴിക്കാൻ സാധിച്ചത് തന്നെ വലിയ കാര്യം. സുഖവിവരങ്ങൾ തിരക്കിയവരോട്, ഞങ്ങൾ ഇവിടെ സുരക്ഷിതരാണ്. എല്ലാം വളരെ വേഗം ശരിയാകുമെന്ന് വിശ്വസിക്കുന്നു.’

കടന്നുപോയത് സംവൃതയുടെ രണ്ടാമത്തെ മകൻ രുദ്രയുടെ ആദ്യ വിഷു കൂടിയാണ്. കുറിപ്പിന്റെ കൂടെ വിഷു ആഘോഷിക്കുന്ന ചിത്രവും നടി ഇതിനൊപ്പം പങ്ക് വെച്ചിട്ടുണ്ട്. കഴിഞ്ഞ ഫെബ്രുവരി 20ന് അണ് രുദ്ര ജനിച്ചത്.

മലയാളികളുടെ പ്രിയപ്പെട്ട നടിയാണ് സംവൃത സുനിൽ. ദിലീപിന്റെ നായിക ആയിട്ട് ആയിരുന്നു സംവൃതയുടെ സിനിമ അരങ്ങേറ്റം. വിവാഹത്തിന് ശേഷം സിനിമ ഉപേക്ഷിച്ച നടി വിദേശത്ത് കഴിഞ്ഞ് വരിക ആയിരുന്നു. മകൻ വലുതായതോടെ വീണ്ടും അഭിനയ രംഗത്തേക്ക് സംവൃത തിരികെ എത്തി. സത്യം പറഞ്ഞാല്‍ വിശ്വസിക്കുമോ എന്ന ചിത്രത്തിൽ ബിജു മേനോന്റെ നായിക ആയിട്ട് ആയിരുന്നു സംവൃത തിരികെ എത്തിയത്. കഴിഞ്ഞ വർഷം ആയിരുന്നു ചിത്രം തിയേറ്ററുകളിൽ എത്തിയത്.

2012 ലായിരുന്നു സംവൃതയും അഖില്‍ ജയരാജും തമ്മിലുള്ള വിവാഹം നടന്നത്. അമേരിക്കയിൽ എന്‍ജീനിയറാണ് അഖിൽ. ഭർത്താവിന് ഒപ്പം സംവൃത അമേരിക്കയിൽ സ്ഥിര താമസം ആക്കുക ആയിരുന്നു.
2015 ഫെബ്രുവരി 21 നായിരുന്നു ഒരു ആണ്‍കുഞ്ഞ് ഇരുവര്‍ക്കും ജനിക്കുന്നത്. അഗസ്ത്യ എന്നായിരുന്നു കുഞ്ഞിന് പേരിട്ടത്.