കറുപ്പ് വസ്ത്രം ധരിച്ച് ലാലേട്ടനൊപ്പമുള്ള ചിത്രം പങ്കുവെച്ച് സഞ്ജു

തിരുവനന്തപുരം : കറുപ്പ് വസ്ത്രം ധരിച്ച് മോഹന്‍ലാലിനൊപ്പം നില്‍ക്കുന്ന ചിത്രം പങ്കുവെച്ച് ഇന്ത്യന്‍ ക്രിക്കറ്റ് താരം സഞ്ജു സാംസണ്‍. ഇന്ത്യന്‍ ടീമില്‍ നിന്ന് ഒരിക്കല്‍ കൂടി തഴയപ്പെട്ടതിനു പിന്നാലെയാണ് കറുപ്പ് വസ്ത്രം ധരിച്ച് മോഹന്‍ലാലിനൊപ്പമുള്ള ചിത്രം താരം പോസ്റ്റ് ചെയ്തത്.

. ഈ ചിത്രത്തിന് പശ്ചാത്തലമായി നല്‍കിയിരിക്കുന്നത് അയാള്‍ കഥയെഴുതുകയാണ് എന്ന ചിത്രത്തില്‍ മോഹന്‍ലാല്‍, ശ്രീനിവാസനോട് പറയുന്ന ഡയലോഗാണ്. ഓസ്‌ട്രേലിയക്കെതിരായ ഏകദിന പരമ്പരയ്ക്കുള്ള ടീമിനെ പ്രഖ്യാപിച്ചപ്പോള്‍ ബിസിസിഐ സഞ്ജു സാംസണെ വീണ്ടും തഴഞ്ഞിരുന്നു.

മുമ്പ് ശ്രീലങ്കയ്‌ക്കെതിരായ ട്വന്റി 20 പരമ്പരയിലെ ആദ്യ മത്സരത്തിനിടെ കാല്‍മുട്ടിന് പരിക്കേറ്റ സഞ്ജു അതില്‍ നിന്ന് മുക്തനായി അടുത്തിടെ ഫിറ്റ്‌നസ് തെളിയിക്കുകയും ചെയ്തിരുന്നു. ഓസീസിനെതിരായ ഏകദിന പരമ്പരയ്ക്കുള്ള ടീമിലെ ഏക സ്‌പെഷ്യലിസ്റ്റ് വിക്കറ്റ് കീപ്പര്‍ ഇഷാന്‍ കിഷനാണ്. ഫോമിലല്ലാത്ത കെ.എല്‍ രാഹുലും ടീമില്‍ സ്ഥാനമുറപ്പിച്ചതോടെ താരം രണ്ടാം വിക്കറ്റ് കീപ്പറായിരിക്കുമെന്ന് വ്യക്തമാണ്.