സീനത്ത് പ്രിയ എന്റെ മകളല്ല, എന്റെ ചോരയിൽ പിറന്നതല്ല, ഒളിച്ചോടിയതോടെ എല്ലാ ബന്ധവും തീർന്നു.

മലയാളികൾക്ക് ഏറെ സുപരിചിതനായ തമിഴ് നടൻ രാജ് കിരണിന്റെ മകൾ സീനത്ത് പ്രിയയും സീരിയൽ നടനായ മുനിഷ് രാജയുമായുള്ള വിവാഹം മാതാപിതാക്കളുടെ അനുവാദമില്ലാതെ നടന്നതായ റിപ്പോർട്ട് കഴിഞ്ഞ ദിവസം വന്നിരുന്നു. ഇപ്പോഴിതാ ഞെട്ടിക്കുന്ന വെളിപ്പെടുത്തലുമായി എത്തിയിരിക്കുകയാണ് രാജ് കിരൺ.

മുനിഷിന് പ്രിയയോട് സ്നേഹമില്ലെന്നും തന്റെ പ്രശസ്തി മുതലെടുത്ത് അവസരങ്ങൾ നേടാനും പണം തട്ടാനുമാണ് സോഷ്യൽ മീഡിയയിലൂടെ മകളുമായി ഇയാൾ ചങ്ങാത്തത്തിലായതെന്നും രാജ് കിരൺ ആരോപിച്ചിരിക്കുന്നു. ടിപ്പു സുൽത്താൻ എന്ന മകൻ മാത്രമാണ് തന്റെ ചോരയിൽ പിറന്നത്. പ്രിയ തന്റെ മകളല്ല, അവളെ വേദനിപ്പിക്കാതിരിക്കാൻ വേണ്ടിയാണ് ഇക്കാര്യം ഇതുവരെ പറയാതിരുന്നത്. രാജ് കിരൺ ഫേസ്ബുക്കിൽ കുറിച്ചു. മുനിഷുമായുള്ള വിവാഹത്തോടെ പ്രിയയുമായുള്ള എല്ലാ ബന്ധവും ഉപേക്ഷിച്ചു. ഏതെങ്കിലും തരത്തിൽ തന്റെ പേര് ഉപയോഗിച്ചാൽ നിയമനടപടി സ്വീകരിക്കും. രാജ് കിരൺ മുന്നറിയിപ്പ് നൽകിയിരിക്കുന്നു.

മുനിഷുമായി പ്രിയ പ്രണയത്തിലാണെന്ന് പറഞ്ഞപ്പോൾ തന്നെ അയാളെക്കുറിച്ച് അന്വേഷിച്ചിരുന്നു. വളരെ മോശം വിവരങ്ങളാണ് തനിക്ക് ലഭിച്ചത്. രാജ് കിരൺ പറഞ്ഞു. ഇക്കാര്യം അറിയിച്ചപ്പോൾ മറ്റൊരാളെ കണ്ടെത്താൻ പ്രിയ ആവശ്യപ്പെട്ടിരുന്നതാണ്. ഇതിന് പിറകെ കുടുംബസുഹൃത്തിനെ കാണാനെന്ന വ്യാജേന വീട്ടിൽ നിന്നിറങ്ങി പ്രിയ മുനിഷ് രാജയ്ക്കൊപ്പം ആന്ധ്രാപ്രദേശിലേയ്ക്ക് കടന്നു കളയുകയായിരുന്നു.