ഷഫ്‌നയുടെ ലൈവില്‍ കീര്‍ത്തനയും ഗോപികയും, ഇവര്‍ എല്ലാം കുളമാക്കുമെന്ന് ഷഫ്‌ന

മലയാളികളുടെ പ്രിയപ്പെട്ട മിനിസ്‌ക്രീന്‍ പ്രക്ഷകരുടെ പ്രിയ താര ദമ്പതികളാണ് ഷഫ്‌നയും സജിനും. സാന്ത്വനം എന്ന പരമ്പരയിലെ ശിവന്‍ എന്ന കഥാപാത്രമായി തിളങ്ങുകയാണ് സജിന്‍. ബിഗ് സ്‌ക്രീനില്‍ നിന്നുമാണ് സജിന്‍ മിനിസ്‌ക്രീനില്‍ എത്തുന്നത്. ഷഫ്‌നയും ബിഗ്‌സ്‌ക്രീനിലും മിനിസ്‌ക്രീനിലും ഒരുപോലെ തിളങ്ങി നില്‍ക്കുകയാണ്. സാന്ത്വനം പരമ്പരയിലെ താരങ്ങളുമായി ഷഫ്‌നയ്ക്കും അടുത്ത സൗഹൃദമാണ് ഉള്ളത്. കഴിഞ്ഞ ദിവസം ലൈവ് വീഡിയോയിലൂടെ വിശേഷങ്ങള്‍ പങ്കുവെച്ച് ഷഫ്‌ന രംഗത്ത് എത്തിയിരുന്നു.

ഷഫ്‌നയുടെ ലൈവ് വീഡിയോയ്ക്ക് ഇഠെ ഗോപികയും കീര്‍ത്തനയും എത്തി. ഇവര്‍ തന്റെ ലൈവ് കുളമാക്കാനായി വന്നതാണെന്ന് പറഞ്ഞ് ചിരിക്കുകയായിരുന്നു ഷഫ്‌ന. എന്തിനാണ് ലൈവെന്ന് ചോദിച്ചപ്പോള്‍ ഒന്നുമില്ല, എനിക്ക് തോന്നി, അതുകൊണ്ട് വന്നതാണെന്ന് ഷഫ്‌ന പറഞ്ഞു. കീര്‍ത്തനയേയും ഗോപികയേയും കൊണ്ടുവരാമോയെന്ന് കുറേ പേര്‍ ചോദിച്ചിരുന്നു. ക്ലോസാണെങ്കില്‍ വരുമെന്നായിരുന്നു പറഞ്ഞത്. ഓ സൈക്കോളടിക്കല്‍ മൂവ്‌മെന്റാണല്ലോയെന്നായിരുന്നു ഇതിന് കീര്‍ത്തനയുടെ മറുപടി.

ഞങ്ങളുടെ തനിസ്വരൂപം കാണും, ചേച്ചിയുടെ കൂടെയാണെങ്കില്‍ ഞങ്ങളുടെ ശരിക്കുള്ള സ്വഭാവം പുറത്തുവരും. ലൈവാണെന്നൊന്നും നോക്കില്ല. നിങ്ങളുടെ ഫോട്ടോയൊക്കെ ഞങ്ങള്‍ കാണാറുണ്ട്. സെയിം പോസൊക്കെ ഞങ്ങള്‍ നോക്കാറുണ്ട്. ലൈവാണെന്നോര്‍ത്ത് സംസാരിക്കണേയെന്ന് ഷഫ്‌ന ഓര്‍മിപ്പിച്ചു. സജിന്‍ എവിടെയെന്ന് ചോദ്യത്തിന് ശിവേട്ടന്‍ തൃശ്ശൂരാണ്, വീട്ടിലുണ്ടെന്നായിരുന്നു ഷഫ്‌ന പറഞ്ഞത്. ശിവേട്ടന്‍ ഒളിവിലാണെന്നായിരുന്നു കീര്‍ത്തനയുടെ കമന്റ്.