കെ സുധാകരന് മറുപടി നൽകി ഷമ മുഹമ്മദ്, ഐഡി ഫേസ്‌ബുക്കിൽ പങ്കുവെച്ചു

കണ്ണൂർ : ഷമ മുഹമ്മദ് പാർട്ടിയുടെ ആരുമല്ല എന്ന കെപിസിസി അദ്ധ്യക്ഷൻ കെ സുധാകരന്റെ പ്രസ്താവനനയ്ക്ക് മറുപടി. ഇന്ത്യൻ നാഷണൽ കോൺഗ്രസിന്റെ ഔദ്യോഗിക വെബ്‌സൈറ്റിലുള്ള വക്താക്കളുടെ പട്ടികയിൽ തന്റെ ചിത്രം സഹിതമുള്ള വിവരം പങ്കുവെച്ചുകൊണ്ടാണ് ഷമ മറുപടി നൽകിയത്.

എഐസിസി വക്താവിനെ കെപിസിസി അദ്ധ്യക്ഷന് അറിയില്ലേ എന്നാണ് ഇപ്പോൾ സമൂഹമാദ്ധ്യമങ്ങളിലൂടെ ഉയരുന്ന ചോദ്യം. ലോക്‌സഭാ തിരഞ്ഞെടുപ്പ് സ്ഥാനാർത്ഥി പട്ടികയിൽ കോൺഗ്രസ് സ്ത്രീകൾക്ക് പ്രാതിനിദ്ധ്യം കൊടുക്കുന്നില്ലെന്ന ഷമയുടെ വിമർശനത്തിനെതിരെയാണ് സുധാകരൻ നേരത്തേ രംഗത്തുവന്നത്.

ഷമാ മുഹമ്മദ് പാർട്ടിയുടെ ആരുമല്ലെന്നാണ് കെ സുധാകരൻ പറഞ്ഞത്. വിമർശനമൊക്കെ അവരോട് ചോദിച്ചാൽ മതി. അവരൊന്നും പാർട്ടിയുടെ ആരുമല്ലെന്നും അദ്ദേഹം മാദ്ധ്യമങ്ങളോട് പറഞ്ഞു. ഇത് ഏറെ വിവാദമായിരുന്നു.