ശ്രേയാ ഘോഷാലിന് പിന്നാലെ അടുത്ത സുഹൃത്തും ഗായികയുമായ നീതി മോഹനും അമ്മയായി

ശ്രേയാ ഘോഷാലിന് പിന്നാലെ സുഹൃത്തും ഗായികയുമായ നീതി മോഹനും അമ്മയായി. ഇന്നലെ നീതി തന്റെ ആദ്യ കണ്മണിക്ക് ജന്മം നല്‍കി. നീതിയുടെ ഭര്‍ത്താവും നടനുമായ നിഹാര്‍ പാണ്ഡ്യ ആണ് തങ്ങള്‍ക്ക് ആണ്‍കുഞ്ഞ് ജനിച്ച സന്തോഷം സോഷ്യല്‍ മീഡിയകളിലൂടെ അറിയിച്ചത്. അമ്മയും കുഞ്ഞും ആരോഗ്യത്തോടെ ഇരിക്കുന്നുവെന്നും നിഹാര്‍ പറഞ്ഞു. സന്തോഷ വാര്‍ത്ത പങ്കുവെച്ച് നിഹാര്‍ സോഷ്യല്‍ മീഡിയയില്‍ പങ്കുവെച്ച കുറിപ്പ് ഇപ്പോള്‍ ശ്രദ്ധേയമാവുകയാണ്.

‘അച്ഛന്‍ എന്നെ പഠിപ്പിച്ച കാര്യങ്ങളൊക്കെ എന്റെ മകനെ പഠിപ്പിക്കാന്‍ എന്റെ ഭാര്യ നല്‍കിയ അവസരമാണിത്. ഓരോ ദിവസവും അവള്‍ എന്നെ കൂടുതല്‍ സ്‌നേഹിച്ചുകൊണ്ടേയിരിക്കുന്നു. മുംബൈയിലെ കോരിച്ചൊരിയുന്ന മഴയ്ക്കിടയിലായിരുന്നു ഞങ്ങള്‍ മകന്റെ ജനനം. നീതിയും ഞങ്ങളുടെ കുഞ്ഞും ആരോഗ്യത്തോടെയിരിക്കുകയാണ്’, നിഹാര്‍ കുറിച്ചു.

ഗര്‍ഭകാലത്ത് നീതിയ്‌ക്കൊപ്പം എടുത്ത ചിത്രവും നിഹാര്‍ പങ്കുവെച്ചിട്ടുണ്ട്. ഗായിക ശ്രേയ ഘോഷാലിന്റെ ഏറ്റവും അടുത്ത സുഹൃത്താണ് നീതി മോഹന്‍. ഇരുവരും ആദ്യ കണ്‍മണിക്കായുള്ള കാത്തിരുപ്പിനെക്കുറിച്ച് ആരാധകരെ അറിയിച്ചിരുന്നു. മെയ് 22ന് ശ്രേയ ഘോഷാലും ഭര്‍ത്താവ് ശൈലാദിത്യയും കുഞ്ഞതിഥിയെ വരവേറ്റു. ഇന്നലെ ശ്രേയ മകന്റെ പേര് വെളിപ്പെടുത്തുകയും ആദ്യ ചിത്രം പങ്കുവയ്ക്കുകയുമുണ്ടായി. ദേവ്യാന്‍ എന്നാണ് കുഞ്ഞിനു പേരിട്ടിരിക്കുന്നത്‌