കേരളത്തിൽ മദ്യ വില്പന കുറഞ്ഞു; ആറ് മാസത്തിൽ കൊച്ചി മെട്രോയ്ക്ക് 19 കോടിയുടെ നഷ്ടമെന്നും സർക്കാർ

സംസ്ഥാനത്ത് കൊറോണ ലോക്ഡൗണിന് ശേഷം പ്രധാന വരുമാനങ്ങളിലൊന്നായ മദ്യവിൽപ്പന കുറഞ്ഞെന്ന് സർക്കാർ. കൊച്ചി മെട്രോയും നഷ്ടത്തിലാണ് ഓടുന്നത് എന്ന് സർക്കാർ കണക്കുകൾ പറയുന്നു. മദ്യത്തിൽ വരുമാനം വർദ്ധിച്ചത് നികുതി കൂട്ടിയതുകൊണ്ടാണ്. പുതിയ മദ്യ വിൽപന ശാലകൾക്ക് സർക്കാർ അനുമതി നൽകിയിട്ടില്ലെന്നും എക്‌സൈസ് മന്ത്രി നിയമസഭയിൽ രേഖാമൂലം അറിയിച്ചു. അതേസമയം സംസ്ഥാനത്ത് ലഹരിക്കടത്തും ഉപയോഗവും വർദ്ധിച്ചുവെന്നാണ് വിലിയിരുത്തസൽ.

2021 ഏപ്രിൽ മുതൽ സെപ്റ്റംബർ വരെയുള്ള കണക്കനുസരിച്ച് 19 കോടി രൂപയാണ് കൊച്ചി മെട്രോയ്‌ക്ക് നഷ്ടമുണ്ടായിരിക്കുന്നത്. യാത്രക്കാരുടെ കുറവ് മൂലമാണിത്. യാത്രക്കാരുടെ എണ്ണം വർദ്ധിപ്പിക്കാൻ വൺ കാർഡ് ഉപയോഗിക്കുന്നവർക്ക് കൂടുതൽ ആനുകൂല്യങ്ങൾ നൽകുന്നുണ്ടെന്ന് സർക്കാർ പറഞ്ഞു. ടിക്കറ്റേതര വരുമാനം വർദ്ധിപ്പിക്കാനുളള നടപടികളും ആരംഭിച്ചു. കൊച്ചി മെട്രോയിൽ പ്രതിദിനം യാത്ര ചെയ്യുന്നത് 35000 പേരാണെന്നാണ് കണക്കുകൾ വ്യക്തമാക്കുന്നത്.