ഭർത്താവിനെ വീഡിയോ കോൾചെയ്ത ശേഷം ആത്മഹത്യ, ഭർത്താവ് അറസ്റ്റിൽ

.കോട്ടയം/ ഭര്‍ത്താവിനെ വിഡിയോ കോള്‍ ചെയ്തത്തിൽ പിന്നെ ഭാര്യ ആത്മഹത്യ ചെയ്ത സംഭവത്തിൽ ഭര്‍ത്താവ് അറസ്റ്റിലായി. നാസര്‍, ഭാര്യ അനീഷയെ മാനസികമായി പീഡിപ്പിച്ചിരുന്നുവെന്ന് ഫോണ്‍ രേഖകള്‍ പരിശോധിച്ചതില്‍ നിന്ന് കണ്ടെത്തിയതിനെ തുടർന്നായിരുന്നു അറസ്റ്റ് ഉണ്ടായത്. കാഞ്ഞിരപ്പള്ളി സ്വദേശി നാസര്‍ ആണ് അറസ്റ്റിലായിരിക്കുന്നത്. കാഞ്ഞിരപ്പള്ളി കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തിട്ടുണ്ട്.

2021 ജൂലൈയിലായിരുന്നു അനീഷ (21) മരണപ്പെടുന്നത്. അനീഷ മരിച്ച് മാസങ്ങള്‍ പിന്നിട്ടിട്ടും നാസറിനെ അറസ്റ്റ് ചെയ്യാത്തതില്‍ പ്രതിഷേധിച്ച് പിതാവ് റഹ്മത്ത് അലി ഡിജിപിക്കും മുഖ്യമന്ത്രിക്കും പരാതി നല്‍കിയിരുന്നതാണ്. തുടർന്ന് പോലീസ് നടപടി എടുക്കാതായപ്പോൾ കോടതിയെ സമീപിക്കുകയായിരുന്നു. തുടർന്ന് കാഞ്ഞിരപ്പള്ളി ഡിവൈഎസ്പിയുടെ നേതൃത്വത്തില്‍ അന്വേഷണം നടത്തുകയായിരുന്നു. ഫോണ്‍ രേഖകള്‍ കേന്ദ്രീകരിച്ച് പൊലീസ് നടത്തിയ അന്വേഷണത്തില്‍ നാസര്‍ മാനസിക പീഡനം നടത്തിയിരുന്നതായി വ്യക്തമായി.

നാസറും അനീഷയും തമ്മിൽ പതിവായി വഴക്കുകൾ ഉണ്ടാകുമായിരുന്നു. അനീഷയുമായി വഴക്കുണ്ടാക്കുന്നത് സ്ഥിരമായിരുന്നെന്നും നാസറിനെതിരെ പയ്യോളി സ്റ്റേഷനില്‍ നിരവധി കേസുകളുണ്ടെന്നും കുടുംബം ആരോപിക്കുന്നു. അപവാദ പ്രചാരണങ്ങള്‍ കൂടി ആരംഭിച്ചതോടെ മനംനൊന്ത് അനീഷ ആത്മഹത്യ ചെയ്യുകയായിരുന്നു.

കുഞ്ഞിനെ തൊട്ടിലില്‍ ഉറക്കിക്കിടത്തിയ ശേഷം തൊട്ടിലിന്റെ കയറില്‍ തന്നെ തൂങ്ങിമരിച്ച നിലയിലായിരുന്നു അനീഷയുടെ മൃതദേഹം കണ്ടെത്തുന്നത്. അനീഷയുടെ പിതാവ് റഹ്മത്ത് അലിയുടെ ഇഷ്ടമില്ലാതെയാണ് ഇവരുടെയും വിവാഹം നടക്കുന്നത്. ഇളങ്കാട്ടെ വീട്ടില്‍ നിന്ന് മകളെ തട്ടിക്കൊണ്ടു പോയെന്ന് കാണിച്ച് പിതാവ് പോലീസിൽ പരാതി നൽകിയിരുന്നെങ്കിലും മകളുടെ നന്മയോർത്ത് പ്രായപൂര്‍ത്തിയായ ഇരുവരുടെയും വിവാഹത്തിന് അനുമതി നൽകുകയായിരുന്നു.