ന്യൂഡല്ഹി: ഇസ്രയേല് നിര്മിത ചാര സോഫ്റ്റ്വെയര് പെഗാസസ് ഫോണ് ചോര്ത്തലില് അന്വേഷണം നടത്താന് വിദഗ്ധ സമിതി രൂപീകരിക്കുമെന്ന് സുപ്രീംകോടതി. ഇതുസംബന്ധിച്ച ഉത്തരവ് ഉടന് തന്നെ ഉണ്ടാകുമെന്നും സുപ്രീംകോടതിയുടെ മേല്നോട്ടത്തിലായിരിക്കും അന്വേഷണമെന്നും ചീഫ് ജസ്റ്റീസ് എന്.വി. രമണ വ്യക്തമാക്കി.
സങ്കേതിക സമിതിയിലേക്ക് വിദഗ്ധരെ നിയമിക്കാന് സുപ്രീംകോടതി തന്നെ ശ്രമിക്കുകയാണ്. പല വിദഗ്ധരെയും സമീപിച്ചെങ്കിലും ഇവരുടെ അസൗകര്യം മൂലമാണ് സമിതി രൂപീകരിക്കാന് വൈകുന്നത്. ഉടന് തന്നെ സമിതി രൂപീകരിച്ച് വിധി പറയുമെന്നും ചീഫ് ജസ്റ്റീസ് അറിയിച്ചു. മറ്റൊരു ഹര്ജി പരിഗണിക്കവെയാണ് ചീഫ് ജസ്റ്റീസ് ഇക്കാര്യം വ്യക്തമാക്കിയത്.
പെഗാസസ് ഉപയോഗിക്കുന്നുണ്ടോ ഇല്ലയോ എന്നു വ്യക്തമാക്കാന് കോടതി സര്ക്കാരിനു വേണ്ടത്ര അവസരം തന്നിരുന്നു. എന്നാല്, സര്ക്കാര് ഇക്കാര്യം വ്യക്തമാക്കി സത്യവാങ്മൂലം നല്കാന് വിസമ്മതിക്കുകയാണ്. അതിനാല്, അതില്ലാതെതന്നെ ഇടക്കാല ഉത്തരവിറക്കുമെന്നും സുപ്രീംകോടതി നേരത്തെ വ്യക്തമാക്കിയിരുന്നതാണ്.
രാജ്യസുരക്ഷയെ ബാധിക്കുന്ന വിഷയമായതിനാല് പെഗാസസുമായി ബന്ധപ്പെട്ട വിവരങ്ങളെല്ലാം പൊതുസമൂഹത്തിനൊട്ടാകെ ലഭ്യമാക്കും വിധം സത്യവാങ്മൂലമായി സമര്പ്പിക്കാന് കഴിയില്ലെന്ന് സോളിസിറ്റര് ജനറല് തുഷാര് മേത്ത വാദിച്ചിരുന്നു.
എന്നാല്, രാജ്യസുരക്ഷയുമായി ബന്ധപ്പെട്ട ഒരു കാര്യവും വെളിപ്പെടുത്തേണ്ടതില്ലെന്നും പരാതിക്കാര് ആരോപിക്കുന്നതുപോലെ ചാര സോഫ്റ്റ്വെയറിന്റെ നിയമവിരുദ്ധമായ ഉപയോഗത്തിലൂടെ സാധാരണ പൗരന്റെ അവകാശം ലംഘിക്കപ്പെട്ടിട്ടുണ്ടോ എന്നു മാത്രം വ്യക്തമാക്കിയാല് മതിയെന്നും കോടതി പറഞ്ഞു.
പെഗാസസ് സംബന്ധിച്ച വിഷയങ്ങള് പരിശോധിക്കാന് ഒരു വിദഗ്ധസമിതിയെ നിയോഗിക്കാമെന്നും സമിതിയുടെ റിപ്പോര്ട്ട് കോടതിക്കു നല്കാമെന്നും സര്ക്കാര് ആവര്ത്തിച്ചിരുന്നു. എന്നാല്, ഒരു സമിതിയെ നിയോഗിച്ച് അന്വേഷണം നടത്തുന്നതല്ല കാര്യമെന്നും ഒരു സത്യവാങ്മൂലം നല്കിയാല് സര്ക്കാരിന്റെ നിലപാട് വ്യക്തമാകുമെന്നും കോടതി മറുപടി നല്കിയിരുന്നു.
ന്യൂഡല്ഹി: ട്രെയിന് യാത്രയ്ക്കിടെ പൊന്നാനി സ്വദേശിയായ യാത്രക്കാരന് മരിച്ചത് ബര്ത്ത് പൊട്ടിവീണിട്ടാണെന്ന റിപ്പോര്ട്ടുകള് തള്ളി റെയില്വേ. ബര്ത്ത് പൊട്ടി വീണല്ല…
കോഴിക്കോട് : ആരോഗ്യപ്രശ്നങ്ങളെ തുടർന്ന് ആശുപത്രിയിൽ പ്രവേശിപ്പിച്ച പന്ത്രണ്ടുവയസുകാരന് അമീബിക് മസ്തിഷ്ക ജ്വരത്തിന്റെ ലക്ഷണങ്ങൾ. ഫറൂഖ് കോളേജ് ഇരുമൂളിപ്പറമ്പ് സ്വദേശിയെയാണ്…
ലോക്സഭയിലെ പ്രതിപക്ഷ നേതാവെന്ന നിലയിൽ രാഹുൽ ഗാന്ധി ചമതല ഏറ്റെടുത്തു. ഒരു പതിറ്റാണ്ടിനു ശേഷമാണ് കോൺഗ്രസ് ഇത് തിരിച്ച് പിടിക്കുന്നത്.ഇനി…
ന്യൂഡൽഹി∙ ഭരണഘടനയെ പാർലമെന്റിൽ കൊണ്ടുനടക്കുകയും നാടകം കളിക്കുകയും ചെയ്യുന്നവരുടെ തെറ്റായ പ്രവൃത്തികൾ സെപ്റ്റംബർ 6ന് വെളിപ്പെടുമെന്ന് നടിയും ലോക്സഭാംഗവുമായ കങ്കണ…
മലപ്പുറം: എടവണ്ണയിൽ ഓടിക്കൊണ്ടിരിക്കെ ഇലക്ട്രിക് സ്കൂട്ടർ കത്തിനശിച്ചു. രാവിലെ 10.30- ഓടെ പത്തപ്പിരിയം വായനശാലക്ക് സമീപമാണ് സംഭവം. എടവണ്ണ പുള്ളാട്ട്…
മലപ്പുറം വെളിമുക്ക് പടിക്കലിൽ പിതാവിനെയും ഒരു വയസ്സുള്ള മകളെയും കാണാതായതായി പരാതി. പടിക്കൽ പള്ളിയാൾമാട് സ്വദേശി ആലിങ്ങൽതൊടി മുഹമ്മദ് സഫീർ…