കൊച്ചി: സ്വര്‍ണക്കടത്തു കേസിലെ പ്രിതകളായ സ്വപ്ന സുരേഷിനെയും സന്ദീപിനെയും ദേശീയ അന്വേഷണ ഏജന്‍സി(എന്‍ഐഎ) പിടികൂടിയിരുന്നു. ശനിയാഴ്ച ഉച്ചയോടെയാണ് ഇവര്‍ ബംഗളൂരുവില്‍ ഉണ്ടെന്ന വ്യക്തമായ വിവരം എന്‍ഐഎയ്ക്ക് ലഭിക്കുന്നത്. വൈകുന്നേരം ഏഴ് മണിയോടെ ബംഗളൂരുവിലെ ഫ്‌ലാറ്റില്‍ നിന്നും എന്‍ഐഎ ഹൈദരാബാദ് യൂണിറ്റിലെ ഉദ്യോഗസ്ഥര്‍ പിടികൂടി.
ഫോണ്‍ പിന്തുടര്‍ന്ന് പിടിക്കും എന്നുള്ളതിനാല്‍ ഇവയൊക്കെ കയ്യില്‍ കരുതാതെയായിരുന്നു സ്വപ്ന മുങ്ങിയത്. എന്നാല്‍ മകളുടെ ഫോണ്‍ ഇവര്‍ക്ക് കുരുക്കാവുകയായിരുന്നു. മകള്‍ കഴിഞ്ഞ ദിവസം സുഹൃത്തിനെ ഫോണ്‍ ചെയ്ത വിവരം പുറത്തെത്തിയിരുന്നു,. ഇന്നലെ ഉച്ചയോടെ മകളുടെ ഫോണ്‍ വീണ്ടും ഓണ്‍ ചെയ്തു,. ഇതില്‍ നിന്നും ലഭിച്ച സൂചന എന്‍ഐഎ ഹൈദരാബാദ് യൂണിറ്റിന് കൈമാറി. മകളുടെ ഫോണ്‍ ഉപയോഗമാണ് സ്വപ്ന കുടുങ്ങാന്‍ പ്രധാന കാരണങ്ങളില്‍ ഒന്ന്. മാത്രമല്ല സോഷ്യല്‍ മീഡിയകള്‍ വഴി പുറത്തെത്തിയ സ്വപ്‌നയുടെ ശബ്ദ സന്ദേശവും ഇവരെ പിന്തുടരാന്‍ സഹായകമായി എന്ന് വിവരമുണ്ട്. പല ഫോണുകളിലൂടെ കൈമാറിയാണ് സ്വപ്‌നയുടെ ശബ്ദ സന്ദേശം മാധ്യമപ്രവര്‍ത്തകര്‍ക്ക് ലഭിച്ചത്. ശബ്ദ സന്ദേശത്തിന്റെ ഐപി വിലാസം തിരിച്ചറിഞ്ഞ് അതിനെ വെള്ളിയാഴ്ച മുതല്‍ തന്നെ കേന്ദ്ര ഇന്റലിജന്‍സ് പിന്തുടരുന്നുണ്ടായിരുന്നു.
സ്വപ്‌നയ്ക്ക് ഒപ്പം ഭര്‍ത്താവും മക്കളും കേസിലെ മറ്റൊരു പ്രതിയായ സന്ദീപും യാത്ര ചെയ്ത് ബംഗളൂരുവില്‍ എത്തി ഒളിവില്‍ കഴിയുകയായിരുന്നു. ഇവര്‍ താമസിക്കാന്‍ എത്തിയ കോറമംഗലയിലെ ഫ്‌ലാറ്റ് ഉള്‍പ്പെടെയുള്ള വിവരങ്ങള്‍ കേന്ദ്ര ഇന്റലിജന്‍സ് എന്‍ഐഎയെ അറിയിക്കുകയായിരുന്നു. ഇവിടെ എത്തിയ എന്‍ഐഎ സംഘം ഫ്‌ലാറ്റില്‍ ഉള്ളത് സ്വപ്‌നയും സംഘവും തന്നെയാണെന്ന് ഉറപ്പാക്കുകയും പിടികൂടുകയുംമായിരുന്നു. ബെംഗളൂരുവിലെ സുധീന്ദ്രറായ് എന്നയാളുടെ ഫ്‌ലാറ്റിലാണ് ഇവര്‍ തങ്ങിയത്.
ഡൊംലൂര്‍ എന്‍ഐഎ ഓഫിസിലാണ് സ്വപ്നയെയും സന്ദീപിനെയും ചോദ്യം ചെയ്യാന്‍ എത്തിച്ചത്. കേസില്‍ തിരുവനന്തപുരം യുഎഇ കോണ്‍സുലേറ്റിലെ മുന്‍ പിആര്‍ഒ സരിത് അറസ്റ്റിലായതിനു തൊട്ടുപിന്നാലെ ഒളിവില്‍ പോയ സ്വപ്ന കഴിഞ്ഞ ദിവസം വരെ കേരളത്തില്‍ തന്നെ ഉണ്ടായിരുന്നു എന്നാണ് വിവരം. മുന്‍കൂര്‍ ജാമ്യം തേടുന്നതിന് അഭിഭാഷകന് വക്കാലത്ത് നല്‍കുന്നത് ഉള്‍പ്പെടെയുള്ള നടപടികള്‍ക്കായി കൊച്ചിയിലും ഇവര്‍ എത്തിയിരുന്നു. കേസ് എന്‍ഐഎ ഏറ്റെടുത്തതിനു പിന്നാലെയാണ് ഇവര്‍ ബെംഗളൂരുവിലേക്കു കടന്നതെന്നാണ് വിവരം.
തൃശൂർ: പീച്ചി ഡാമിന്റെ റിസർവോയറില്‍ സുഹൃത്തുക്കൾക്കൊപ്പം കുളിക്കാൻ ഇറങ്ങിയ യുവാവിനെ കാണാതായി. മലപ്പുറം താനൂർ സ്വദേശി മുഹമ്മദ് യഹിയ (25)യെ…
പാലക്കാട്: കോഴിക്കോട് ദേശീയ പാത മണ്ണാർക്കാട് മേലേ കൊടക്കാട് വാഹനാപകടത്തിൽ ഒരാൾ മരിച്ചു. ബൈക്ക് ലോറിയിലിടിച്ചാണ് യാത്രക്കാരനായ പട്ടാമ്പി വിളയൂർ…
തിരുവനന്തപുരം: 2023-2024 വര്‍ഷത്തെ രണ്ടാം വര്‍ഷ ഹയര്‍ സെക്കണ്ടറി പരീക്ഷാ ഫലപ്രഖ്യാപനവും വൊക്കേഷണല്‍ ഹയര്‍ സെക്കന്‍ഡറി പരീക്ഷാ ഫലപ്രഖ്യാപനവും നാളെ.…
500കോടിയോളം നിക്ഷേപ തട്ടിപ്പ് നടത്തി ജയിലിൽ ആയ തിരുവല്ലയിലെ നെടുമ്പറമ്പിൽ കെ.എം രാജുവിന്റെ വീട് കൂറ്റൻ ബംഗ്ളാവ്. വർഷങ്ങൾക്ക് മുമ്പ്…
അമേരിക്കയിൽ വാഹന അപകടത്തില്പെട്ട ബിലിവേഴ്സ് ചർച്ച് മെത്രാപോലീത്ത കെ.പി യോഹന്നാൻ അന്തരിച്ചു വാർത്തകൾ പുറത്തു വരുന്നു വാഹന അപകടത്തിൽ ഗുരതര…
ന്യൂഡൽഹി∙ വിവാദ പരാമർശത്തിനു പിന്നാലെ ഓവർസീസ് കോൺഗ്രസ് അധ്യക്ഷ സ്ഥാനം രാജിവച്ച് സാം പിത്രോദ. കോൺഗ്രസ് അധ്യക്ഷൻ മല്ലികാർജുൻ ഖർഗെ…