അദ്ധ്യാപികയുടെ ആത്മഹത്യ; സഹപ്രവർത്തകൻ അറസ്റ്റിൽ

മലപ്പുറം: അദ്ധ്യാപികയുടെ ആത്മഹത്യയില്‍ സഹപ്രവർത്തകൻ അറസ്റ്റിൽ. കോഴിക്കോട് പയ്യോളി സ്വദേശി രാംദാസിനെ (44) യാണ് അറസ്റ്റിലായത്. വേങ്ങര സ്കൂളിലെ എസ്പിസി ചുമതല വഹിച്ച അധ്യാപിക ടി.ബൈജുവാണ് കഴിഞ്ഞ സെപ്റ്റംബർ 17ന് തൂങ്ങിമരിച്ചത്. പ്രതിക്കെതിരെ ആത്മഹത്യാ പ്രേരണ കുറ്റം ചുമത്തി അറസ്റ്റ് രേഖപ്പെടുത്തി. വേങ്ങര ഗേൾസ് സ്കൂൾ സ്റ്റുഡന്റ് പൊലീസിന്റെ ചുമതലയുള്ള അദ്ധ്യാപകനാണ് അറസ്റ്റിലായത്.

മരിച്ച അദ്ധ്യാപികയുമായി പ്രതിക്ക് അടുത്ത ബന്ധമുണ്ടാ യിരുന്നതായി പൊലീസ് കണ്ടെത്തി. അടുപ്പം മുതലെടുത്ത് ഇയാൾ അദ്ധ്യാപികയെ മാനസിക സമ്മർദ്ദത്തിലാ ക്കിയതാണ് ആത്മഹത്യയ്‌ക്ക് കാരണമെന്നാണ് പൊലീസ് പറയുന്നത്.

ഇക്കഴിഞ്ഞ സെപ്തംബറിലാണ് വേങ്ങര കണ്ണമംഗലത്തെ വീട്ടിൽ അദ്ധ്യാപികയെ തൂങ്ങി മരിച്ച നിലയിൽ കണ്ടെത്തിയത്. ഡയറി കുറിപ്പുകളുടെയും സാക്ഷി മൊഴികളുടെയും അടിസ്ഥാനത്തിലാണ് അറസ്റ്റ്. ഇയാളെ മലപ്പുറം ഫസ്റ്റ് ക്ലാസ് ജുഡീഷ്യൽ മജിസ്ട്രേറ്റ് കോടതിയിൽ ഹാ‌ജരാക്കി. പ്രതിയെ കോടതി റിമാൻഡിൽ വിട്ടു.