സ്പീക്കറുടേയും മുഖ്യമന്ത്രിയുടേയും നാട്ടിലെ ആശുപത്രിയിൽ കക്കൂസിനു മൂടിയില്ല ഊഞ്ഞാലാടാൻ ടെറസിൽ ആൽമരം

സ്പീക്കർ എ എൻ ഷംസീറിന്റെ സ്വന്തം മണ്ഡലമായ തലശേരിയിലെ ജനറൽ ആശുപത്രിയിലെ ഒരു ചിത്രം വൈറലായിരുന്നു. എന്നാൽ ഇത് തലശേരി ജനറൽ ആശുപത്രിയുടേതല്ല എന്നും സ്പീക്കറേ താറടിക്കാൻ എന്നും ഏഷ്യാനെറ്റ് അടക്കം മുഖ്യധാരാ മാധ്യമങ്ങൾ ഫാക്ട് ചെക്ക് നടത്തി വാർത്തയും നല്കിയിരുന്നു. ഈ ചിത്രവും വാർത്തയും അന്വേഷിക്കാൻ ഇപ്പോൾ തലശേരി ജനറൽ ആശുപത്രിയിൽ എത്തി റിപോർട്ട് ചെയ്യുകയാണ്‌ കർമ്മ ന്യൂസ്.

അവിടെ എത്തിയപ്പോൾ‌ വ്യാജ ചിത്രത്തേക്കാൾ ഏറെ രൂക്ഷമായ അവസ്ഥയാണ്‌ തലശേരി ജനറൽ ആശുപത്രിയുടേത്, 5 കൊല്ലമായ ആൽ വൃക്ഷം പോലും ആശുപത്രിയുടെ മുകളിലത്തേ കോൺക്രീറ്റിൽ വളർന്ന് ഊഞ്ഞാലാടാൻ വലിപ്പത്തിൽ. ആശുപത്രിയുടെ കക്കൂസ് ടാങ്ക് മൂടിയില്ലാതെ തുറന്ന് കിടക്കുന്നു, ആശുപത്രി കെട്ടിടം ആകെ വള്ളി കയറി, അടിത്തറ കല്ലുകൾ ഇളകി പോയി കെട്ടിടം ഗുരുതരാവസ്ഥയിൽ, കോൺക്രീറ്റ് സ്ളാബ് ഇളകി ദ്രവിച്ച് വീഴുന്നു, ഇടിഞ്ഞ് വീഴാറായ കൂറ്റൻ വാട്ടർ ടാങ്ക്..

സ്പീക്കർ എ എൻ ഷംസീറിന്റെ മാത്രം ആശുപത്രിയല്ല, മുഖ്യമന്ത്രിയുടെ പിണറായിക്കാരുടെ ജനറൽ ആശുപത്രിയാണിത്, 2 മുൻ ആരോഗ്യ മന്ത്രിമാർ അതായത് കെ കെ ശൈലജ, പി കെ ശ്രീമതി ടീച്ചറമ്മമാരുടെ ആശുപത്രി, സി.പി.എമ്മിലെ കൊടിമരം പോലെ നില്ക്കുന്ന ജയരാജന്മാരുടെ നാട്ടിലെ ആശുപത്രി, പാർട്ടി സിക്രട്ടറിയുടെ സ്വന്തം ജില്ലയിലെ ആശുപത്രി…ഇങ്ങിനെ ഒക്കെ വിളിച്ച് പറയുന്നത് പാവങ്ങളേ ചികിൽസിക്കുന്ന ആശുപത്രി ഇങ്ങിനെ ഇട്ടിരിക്കുന്നതിൽ ഇവരൊക്കെ നാണം കെടാൻ വേണ്ടി തന്നെയാണ്‌.

വീഡിയോ കാണാം