കാമുകനൊപ്പം ഒളിച്ചോടിയ യുവതി ബൈക്ക് അപകടത്തിൽ മരിച്ചു

സോഷ്യൽ മീഡിയയിലൂടെ പരിചയപ്പെട്ട കാമുകനൊപ്പം ഒളിച്ചോടുന്നതിനിടയിൽ വീട്ടമ്മ ബൈക്ക് അപകടത്തിൽ മരിച്ചു. തിരുവനന്തപുരം കുളത്തൂർ സ്വദേശിനി സുമിത്ര (34 ) ആണ് മരിച്ചത്. ഒപ്പമുണ്ടായിരുന്ന സുഹൃത്ത് തിരുവനന്തപുരം നെടുമങ്ങാട് തൊളിക്കോട് സ്വദേശിയായ അൻസിൽ (25 ) പരിക്കുകളുമായി പന്തളത്ത് ആശുപത്രിയിൽ ചികിത്സയിലാണ്. ഇയാളുടെ ഒരു കാലിന് ഒടിവുണ്ട്.

വ്യാഴാഴ്ച വെളുപ്പിന് 5 മണിക്ക് കുളനട മെഡിക്കൽ ട്രസ്റ്റ് ആശുപത്രിക്ക് സമീപമുള്ള വളവിലാണ് അപകടം നടന്നത്. ചെങ്ങന്നൂർ ഭാഗത്ത് നിന്നും വന്ന കൊറിയർ വാഹനവുമായി കൂട്ടി ഇടിച്ചാണ് അപകടം നടന്നത്. അപകടത്തിൽ പരിക്കേറ്റ യുവതിയെ ആശുപത്രിയിൽ എത്തിച്ചപ്പോഴേക്കും മരണം സംഭവിച്ചിരുന്നു. സുമിത്രയും അൻസിലും സഞ്ചരിച്ചിരുന്ന ബൈക്ക് വളവിൽ വച്ച് റോഡിൽ തെന്നി മറിയുകയായിരുന്നു.
റോഡിലേക്ക് തെറിച്ചു വീണ സുമിത്രയുടെ മുകളിലൂടെ ചെങ്ങന്നൂർ ഭാഗത്ത് നിന്നും വന്ന കൊറിയർ വണ്ടി കയറി ഇറങ്ങുകയിരുന്നു .ഗുരുതര പരിക്കുകളുമായി അൻസിൽ പന്തളത്ത് ആശുപത്രിയിൽ ചികിത്സയിലാണ്. ഭർത്താവ് പ്രവീണുമായി പിണങ്ങി കഴിയുകയായിരുന്നു സുമിത്ര. മൃതദേഹം ഏറ്റുവാങ്ങാൻ ബന്ധുക്കൾ തയാറായില്ല . പന്തളം സ്റ്റേഷനിൽ നിന്ന് പൊലീസുകാർ സുമിത്രയുടെ മരണ വിവരം അറിയിക്കുന്നതിനായി ബന്ധപ്പെട്ടപ്പോൾ തനിക്കു സുമിത്രയുടെ മൃതദേഹം കാണേണ്ടെന്നാണ് ഭർത്താവ് അറിയിച്ചത്.

2020 ഡിസംബറിൽ സുമിത്ര ഭർതൃ വീട്ടിൽ നിന്നും ഇറങ്ങി പോകുകയുമായിരുന്നു . തുമ്പയിൽ തന്നെയുള്ള ഒരു വീട്ടിൽ പേയിങ് ഗസ്റ്റായി സുമിത്ര താമസിക്കുകയും ഈഞ്ചക്കലിലുള്ള മെഡിക്കൽ സ്റ്റോറിൽ ജോലിക്കും പോയിരുന്നു. 2017 ൽ പ്രവീൺ ജോലിക്കായി വിദേശത്തേക്ക് പോയപ്പോഴാണ് ഫെയ്സ് ബുക്ക് വഴി സുമിത്ര അൻസിലിനെ പരിചയപ്പെടുന്നത് .ഇരുവരും തമ്മിൽ കടുത്ത പ്രണയത്തിലായതോടെ ഈ വിവരം അൻസിൽ തന്നെ പ്രവീണിനെ അറിയിച്ചു. വിവരങ്ങൾ അറിഞ്ഞ പ്രവീൺ ഈ ബന്ധത്തിൽ നിന്നും പിന്മാറണമെന്നും മകളുടെ ഭാവി ഇല്ലാതാക്കരുതെന്നും സുമിത്രയെ വിളിച്ച് പറയുകയും ചെയ്തു.ഇത് തുടർന്ന് ഇനി ബന്ധം മുന്നോട്ട് കൊണ്ടു പോകില്ലെന്ന് സുമിത്ര ഉറപ്പ് നൽകി. കൊറോണ വ്യാപിച്ചതോടെ വിദേശത്തെ തൊഴിൽ നഷ്ട്ട്ടപ്പെട്ട് പ്രവീൺ കഴിഞ്ഞ സെപ്റ്റംബറിൽ നാട്ടിലേക്ക് തിരികെ എത്തി. എല്ലാ മാസവും കൃത്യമായി 20,000 രൂപയ്ക്കടുത്ത് തുക സുമിത്രയുടെ അക്കൗണ്ടിൽ നിക്ഷേപിച്ചിരുന്നു.ഈ തുക കൂടി എടുത്ത് ഒരു ഓട്ടോറിക്ഷ വാങ്ങി ഇനി നാട്ടിൽ നിൽക്കാമെന്ന കണക്കു കൂട്ടലിലായിരുന്നു പ്രവീൺ. എന്നാൽ ബാങ്കിൽ നിക്ഷേപിച്ച തുക താനെടുത്ത് ചെലവഴിച്ചു എന്ന് സുമിത്ര പറഞ്ഞു. ഇതോടെ പ്രവീണിന്റെ പിതാവ് ഓട്ടോ വാങ്ങാനുള്ള പണം നൽകുകയും ഈ പണം ഉപയോഗിച്ച് ഓട്ടോ വാങ്ങുകയും ചെയ്തു. ഇതിനിടയിൽ സുമിത്രയുടെ ഫോണിൽ അൻസിലിന്റെ സന്ദേശങ്ങൾ കണ്ടതോടെ വീണ്ടും പ്രശ്നങ്ങളുണ്ടായി.