തിരുവനന്തപുരം . പരാതിയും എതിര്ശബ്ദവും ഉന്നയിച്ചവരെ ചവിട്ടിപ്പുറത്താക്കു കയല്ല വേണ്ടതെന്ന് സി പി ഐ സംസ്ഥാന സെക്രട്ടറിയെ ഓർമ്മപ്പെടുത്തി സിപിഐ അസിസ്റ്റന്റ് സെക്രട്ടറി ഇ ചന്ദ്രശേഖരന്. പരാതിയും എതിര്ശബ്ദവും ഉന്നയിച്ചവരെ ചവിട്ടിപ്പുറത്താക്കുകയല്ല വേണ്ടത്. അവരെ തിരുത്തി കൂടെനിര്ത്തുക എന്നതാണ് കമ്മ്യൂണിസ്റ്റ് പാര്ട്ടിയുടെ ഉത്തമശൈലി. സംസ്ഥാന സമ്മേളനത്തില് എതിര് ശബ്ദം ഉയര്ത്തിയവര്ക്കെതിരേയെല്ലാം പരാതിയും അന്വേഷണവും വരുന്നത് പാര്ട്ടിയെ പ്രതിസന്ധിയിലാക്കും.
എതിര്ത്തവരെ തിരുത്തി കൂടെനിര്ത്തുകയാണ് വേണ്ടത്. അതിനു പകരം വൈരനിര്യാതന ബുദ്ധിയോടെ പ്രവര്ത്തിച്ചാല് പാര്ട്ടി ഇല്ലാതാകും. പത്തനംതിട്ട ജില്ലാ സെക്രട്ടറിയ്ക്കെതിരായ പാര്ട്ടി അന്വേഷണ വിഷയത്തില് ചര്ച്ചയില് പങ്കെടുക്കവേയാണ് ചന്ദ്രശേഖരന്റെ ഈ പ്രതികരണം. എപി ജയനെതിരായ അനധികൃത സ്വത്തുസമ്പാദന പരാതിയില് അന്വേഷണം പ്രഖ്യാപിക്കുന്ന കാര്യത്തിലാണ് സിപിഐ.എക്സിക്യൂട്ടീവില് ചര്ച്ച ഉണ്ടായത്.
പാര്ട്ടി സംസ്ഥാന എക്സിക്യൂട്ടീവ് അംഗം കെ കെ അഷ്റഫ് പ്രാഥമിക അന്വേഷണ റിപ്പോര്ട്ട് യോഗത്തില് അവതരിപ്പിച്ച പിറകെ അന്വേഷണം നടത്താനുള്ള തീരുമാനവുമായി ബന്ധപ്പെട്ട ചര്ച്ചനടന്നു. ഈ ചര്ച്ചയിലാണ് പാര്ട്ടി സംസ്ഥാന സെക്രട്ടറി കാനം രാജേന്ദ്രന് എടുത്ത നിലപാടിന് വിരുദ്ധമായ സമീപനം ചന്ദ്രശേഖരന് കൈക്കൊള്ളുന്നത്.. സംസ്ഥാന സമ്മേളന കാലയളവില് കാനം രാജേന്ദ്രന്റെ എതിര്പക്ഷത്തായിരുന്നു ജയന് എന്നതാണ് ഇക്കാര്യത്തിൽ ശ്രദ്ധേയം.
‘പാര്ട്ടി സംസ്ഥാന സമ്മേളന സമയത്ത് സംസ്ഥാന സെക്രട്ടറി കാനം രാജേന്ദ്രനെതിരേ പലരും നിലപാട് എടുക്കുകയുണ്ടായി. അത്തരം സമീപനം എടുത്തവരെ തനിക്ക് നേരിട്ടറിയാം. എന്നാല് അങ്ങനെ സമീപനം എടുത്തവര്ക്ക് എതിരെയെല്ലാം പരാതി വരുന്നു, അന്വേഷണവും വരുന്നു. ഈ രീതിയില് മുന്നോട്ടു പോയാല് പാര്ട്ടി വലിയ പ്രതിസന്ധിയിലാകും’ – ചന്ദ്രശേഖരന് പറഞ്ഞു. പരാതിയും എതിര്ശബ്ദവും ഉന്നയിച്ചവരെ ചവിട്ടിപ്പുറത്താക്കുകയല്ല വേണ്ടത്. അവരെ തിരുത്തി കൂടെനിര്ത്തുക എന്നതാണ് കമ്മ്യൂണിസ്റ്റ് പാര്ട്ടിയുടെ ഉത്തമശെലി. ആ ശൈലിയിലേക്ക് പാര്ട്ടി വരണം. അല്ലാതെ വൈരനിര്യാതന ബുദ്ധിയോടെ പെരുമാറിയാല് അത് പാര്ട്ടിയെ അപകടത്തിലാക്കും – ചന്ദ്രശേഖരന് പറഞ്ഞു.
മുന്നണിയിലെ വലിയ കക്ഷിയായ പാര്ട്ടിയില് സമാനമായ സംഭവം ഉണ്ടായപ്പോൾ നല്ല സഖാക്കളെയാണ് അവര്ക്ക് നഷ്ടപ്പെട്ടത്. അത്തരം നല്ല സഖാക്കള് ഇല്ലാതാകുകയോ മൗനത്തിലേക്കു മാറുകയോ ചെയ്തു. ആ അനുഭവം സിപിഐയ്ക്ക് വരാതിരിക്കണമെന്ന് ചൂണ്ടിക്കാണിച്ചാണ് താന് ഇതു പറയുന്നതെന്നും ചന്ദ്രശേഖരന് പറയുകയുണ്ടായി.
പ്രിഥ്വിരാജ് സംവിധാനം ചെയ്ത ബ്രോ ഡാഡി സിനിമയുടെ സെറ്റിൽ വെച്ച് യുവ നടിയെ പീഢിപ്പിച്ച് ദൃശ്യങ്ങൾ പകർത്തിയ സഹ സംവിധായകനെ…
തിരുവനന്തപുരം: തുമ്പ കിന്ഫ്ര പാര്ക്കിലെ കോണ്ക്രീറ്റ് റെഡിമിക്സ് യൂണിറ്റില് പൊട്ടിത്തെറി. ആര്.എം.സി. എന്ന സ്ഥാപനത്തിന്റെ പ്ലാന്റില് ഉച്ചയ്ക്ക് 12-ഓടെയാണ് പൊട്ടിത്തെറിയുണ്ടായത്.…
സിയോൾ : ഉത്തര കൊറിയയിൽ നിന്ന് ദക്ഷിണ കൊറിയയിലേക്കുള്ള മാലിന്യ ബലൂണാക്രമണം തുടരുന്നു. കഴിഞ്ഞ രണ്ട് ദിവസത്തിനിടെ മാത്രം 100ഓളം…
ന്യൂഡല്ഹി: ഈ ഓഫീസിൽ ദൈവനിയോഗം പോലെയെത്തിയെന്ന് 66-ാം പിറന്നാൾ ദിനത്തിൽ കേന്ദ്രമന്ത്രിയും നടനുമായ സുരേഷ് ഗോപി. കേരള ഹൗസിലേക്ക് രാവിലെതന്നെ…
കൊച്ചി : വീണ്ടും ഹൈക്കോടതിയുടെ വിർശനം ഏറ്റുവാങ്ങി പോലീസ് സേന. ആലത്തൂരിൽ അഭിഭാഷകനോട് പോലീസ് മോശമായി പെരുമാറിയ സംഭവത്തിലെ കോടതിയലക്ഷ്യ…
ശ്രീനഗർ: ജമ്മു കശ്മീരിലെ ദോഡ ജില്ലയിൽ സുരക്ഷാസേനയും ഭീകരരും തമ്മിലുണ്ടായ ഏറ്റുമുട്ടലിൽ രണ്ട് ഭീകരരെ വധിച്ചു. ഈ മാസം 11നും…