സംസ്ഥാനത്ത് ഇന്ന് മാത്രം മൂന്ന് കൊവിഡ് മരണങ്ങള്‍;ചെങ്ങന്നൂരിലും മരണം

തിരുവനന്തപുരം: സംസ്ഥാനത്ത് ഇന്ന് മാത്രം മൂന്ന് കൊവിഡ് മരണങ്ങളാണ്‌റിപ്പോര്‍ട്ട് ചെയ്തത്. ഇന്ന് മരണം റിപ്പോര്‍ട്ട് ചെയ്തത് ഇടുക്കി, പത്തനംതിട്ട, ആലപ്പുഴ ജില്ലകളിലാണ്. ആലപ്പുഴയില്‍ ആണ് ഒരു കൊവിഡ് മരണം റിപ്പോര്‍ട്ട് ചെയ്തത്. ചെങ്ങന്നൂര്‍ കല്ലിശ്ശേരി അറേപ്പുറത്ത് ജയ്‌മോന്‍ ആണ് മരിച്ചത്. 64 വയസ്സായിരുന്നു. അദ്ദേഹം ഒരാഴ്ചയായി ആലപ്പുഴ മെഡിക്കല്‍ കോളേജില്‍ ചികിത്സയില്‍ കഴിയുകയായിരുന്നു സമ്പര്‍ക്കത്തിലൂടെയാണ് ജയ്‌മോന് രോഗം ബാധിച്ചത്. വര്‍ഷങ്ങളായി ശ്വാസ തടസമടക്കള്ള അസുഖങ്ങള്‍ക്ക് ചികിത്സയിലായിരുന്നു ജെയ്‌മോന്‍.

ഇന്നലെ രാത്രി എട്ടുമണിയോടെയായിരുന്നു മരണം സംഭവിച്ചത്. പത്തനംതിട്ടയില്‍ വാഴമുട്ടം സ്വദേശി കരുണാകരന്‍ ആണ് കൊവിഡ് ബാധിച്ച് മരിച്ചത്. പത്തനംതിട്ട ജനറല്‍ ആശുപത്രിയില്‍ ചികിത്സയിലായിരുന്ന കരുണാകരന്‍ കരള്‍ രോഗ ബാധിതനുമായിരുന്നു.ഇടുക്കിയില്‍ ആണ് മറ്റൊരും മരണം മെഡിക്കല്‍ കോളേജ് ആശുപത്രിയില്‍ ചികിത്സയിലായിരുന്ന കാമാക്ഷി സ്വദേശി ദാമോദരന്‍ ആണ് മരിച്ചത്. 80 വയസ്സായിരുന്നു ഹൃദയസംബന്ധമായ അസുഖത്തെ തുടര്‍ന്ന് ആശുപത്രിയില്‍ പ്രവേശിപ്പിച്ചപ്പോള്‍ നടത്തിയ പരിശോധനയിലാണ് ഇദ്ദേഹത്തിന് കൊവിഡ് സ്ഥിരീകരിച്ചത്. തുടര്‍ന്ന് മെഡിക്കല്‍ കോളേജ് ആശുപത്രിയിലേക്കാണ് മാറ്റുകയായിരുന്നു.