അഗ്നീവീര്‍ റിക്രൂട്ട്‌മെന്റിലെ ആദ്യ ബാച്ചില്‍ ഇടം നേടി ഇരട്ട സഹോദരന്മാര്‍, പ്രചോദനം മോഹന്‍ലാലിന്റെ കീര്‍ത്തിചക്ര

സൈന്യത്തില്‍ ജോലി ലഭിക്കുക എന്നത് പഠനം പൂര്‍ത്തിയാക്കുന്ന ഓരോ ചെറുപ്പക്കരന്റെയും സ്വപ്‌നമാണ്. ഈ സ്വപ്‌നം ഒരു മിച്ച് പൂര്‍ത്തീകരിച്ചിരിക്കുകയാണ് കൊല്ലം കടയ്ക്കലില്‍ നിന്നുള്ള ഇരട്ട സഹോദരന്മാര്‍. ഒരു പ്രമുഖ ഓണ്‍ലൈന്‍ മാധ്യമത്തിലാണ് ഇവരെക്കുറിച്ചുള്ള റിപ്പോര്‍ട്ട് പുറത്തുവന്നത്. പ്ലസ് ടു കഴിഞ്ഞ ഐടിഐയില്‍ ചേരാനുള്ള തയ്യാറെടുപ്പുകള്‍ക്കിടെയാണ് ഇരട്ട സഹോദരങ്ങളായ നിഥിന്‍ കൃഷ്ണനും നിഖില്‍ കൃഷ്ണനും കരസേനയിലേക്ക് എത്തുന്നത്.

മോഹന്‍ലാല്‍ ചിത്രം കൂര്‍ത്തിചക്ര കണ്ടതോടെയാണ് ഇരുവര്‍ക്കുംസൈന്യത്തില്‍ ചേരണമെന്ന് ആഗ്രഹം ഉണ്ടായതെന്ന് അമ്മ പറയുന്നു. ആദ്യം ആര്‍മി ജനറല്‍ ഡ്യൂട്ടി തസ്തികയുടെ റിക്രൂട്‌മെന്റില്‍ പങ്കെടുത്ത് സിലക്ഷന്‍ ലഭിച്ചെങ്കിലും കോവിഡ് ഇരുവരുടെയും അവസരം നഷ്ടപ്പെടുത്തുകയായിരുന്നു. എന്നാല്‍ അഗ്നീവീര്‍ കേന്ദ്ര സര്‍ക്കാര്‍ ആരംഭിച്ചതോടെ ഇരുവര്‍ക്കും പുതിയ പ്രതീക്ഷ ഉണരുകയായിരുന്നു.

പ്ലസ്ടുവിന് ഇരുവര്‍ക്കും മികച്ച മാര്‍ക്കുണ്ടായിരുന്നതു കൊണ്ട് എളുപ്പത്തില്‍ ആദ്യ കടമ്പ കടന്നു കിട്ടി. പിന്നീട് ഇരുവരും എഴുത്തു പരീക്ഷയ്ക്കായിട്ടുള്ള പഠനത്തിലായിരുന്നു. തുടര്‍ന്ന് ഫിസിക്കല്‍ ടെസ്റ്റ് ശക്തമായ പരിശീലനത്തിലൂടെ മറികടക്കാവുന്നതാണെന്ന് മനസ്സിലാക്കിയ നിഖിലും നിഥിനും കടുത്ത പരിശീലനമാണ് നടത്തിയത്.

ഫിസിക്കല്‍ ട്രെയിനറുടെ സഹായമില്ലാതെയാണ് ഇരുവരും തയ്യാറെടുപ്പ് നടത്തിയത്. കോവിഡിന് മുമ്പ് നടന്ന ആര്‍മി റാലിയില്‍ പങ്കെടുത്തതിനാല്‍ ഇരുവര്‍ക്കും നല്ല ആത്മ വിശ്വാസം ഉണ്ടായിരുന്നു. കായിക ക്ഷമതയ്ക്ക് ശേഷം ഇരുവര്‍ക്കും വൈദ്യ പരിശോധനയും പൂര്‍ത്തീകരിച്ചതോടെ ആ വലിയ സ്വപ്‌നം ഇരുവരും എത്തി പിടിക്കുകയായിരുന്നു. തുടര്‍ന്ന് ഏഴ് മാസത്തെ പരിശീലനത്തില് ശേഷം ഗോവയില്‍ നിന്നും ഇവര്‍ തിരികെ വീട്ടിലെത്തിയിരിക്കുകയാണ്. ജോലിക്കായി നിഥിന്‍ പഞ്ചാബിലേക്കും നിഖില്‍ ഉത്തര്‍പ്രദേശിലേക്കുമാണ് പോകുന്നത്.