ഇടുക്കിയില്‍ കാട്ടാനയുടെ ആക്രമണത്തില്‍ രണ്ട് പേര്‍ക്ക് പരിക്ക്

ഇടുക്കി. അരിക്കൊമ്പനെ പിടിക്കണമെന്ന് ആവശ്യപ്പെട്ട് ഇടുക്കിയില്‍ പ്രതിഷേധം നടക്കുന്നതിനിടയില്‍ ചിന്നക്കനാല്‍ സിങ്കുകണ്ടത് വീണ്ടും കാട്ടാനയുടെ ആക്രമണം. കാട്ടാനയുടെ ആക്രമണത്തില്‍ രണ്ട് പേര്‍ക്ക് പരിക്കേറ്റു. കഴിഞ്ഞ ദിവസം രാത്രി പത്തരയോടെയായിരുന്നു കാട്ടാന ആക്രമണം നടത്തിയത്. ആന ഒന്നര ഏക്കര്‍ കൃഷി സ്ഥലം നശിപ്പിക്കുകയും ചെയ്തു.

കാട്ടാനയുടെ ആക്രമണത്തില്‍ രണ്ട് പേര്‍ക്ക് പരിക്കേറ്റു. ഇരുവരുടെയും പരിക്ക് ഗുരുതരമല്ല. സിങ്കുകണ്ടം സ്വദേശികളായ വത്സനും വിന്‍സന്റിനുമാണ് പരിക്കേറ്റത്. അട്ടപ്പാടിയിലും കാട്ടാനക്കൂട്ടം ഇറങ്ങി. സ്വകാര്യ റിസോര്‍ട്ടിന് ഉള്ളിലൂടെ കാട്ടാനകള്‍ പോകുന്നതിന്റെ ദൃശ്യങ്ങള്‍ പുറത്ത് വന്നിരുന്നു. അട്ടപ്പാടിയില്‍ ഒടിക്കൊണ്ടിരുന്ന ജീപ്പ് കാട്ടാന ആക്രമിച്ചു മറിച്ചിട്ടു.