ദേശവിരുദ്ധ പ്രവർത്തനങ്ങൾക്ക് ചുക്കാൻ പിടിച്ചു; മുങ്ങാൻ ശ്രമിച്ച രണ്ട് പോപ്പുലർ ഫ്രണ്ട് ഭീകരർ കൂടി അറസ്റ്റിൽ

ന്യൂഡൽഹി:ദേശവിരുദ്ധ പ്രവർത്തനങ്ങൾക്ക് ചുക്കാൻ പിടിച്ച രണ്ട് പോപ്പുലർ ഫ്രണ്ട് ഭീകരരെ കൂടി ഡൽഹിയിൽ അറസ്റ്റിലായി.അൻസാർ അലി,മുഹമ്മദ് സമുൻ എന്നിവരെയാണ് ഖജൂരി ഖാസ് പോലീസ് അറസ്റ്റ് ചെയ്തത്. ഇവർക്കെതിരെ യുഎപിഎയും ചുമത്തിയിട്ടുണ്ട്.പിടിയിലായ പ്രതികൾ കേന്ദ്രസർക്കാരിനെതിരെ ഗൂഢാലോചന നടത്തുകയും രാജ്യവിരുദ്ധ പ്രവർത്തനങ്ങൾക്ക് ചുക്കാൻ പിടിച്ചതായും തെളിവുകൾ ലഭിച്ചിട്ടുണ്ട്.

പോപ്പുലർ ഫ്രണ്ടിനെ നിരോധിച്ച പശ്ചാത്തലത്തിൽ രാജ്യത്ത് നിന്ന് കടക്കാനുള്ള നീക്കങ്ങളുമായി മുന്നോട്ട് പോവുകയായിരുന്നുവെന്ന് പോലീസ് വ്യക്തമാക്കി.കഴിഞ്ഞ ദിവസം ഇവരുടെ കൂട്ടാളികളായ നാലുപേരെ പോലീസ് അറസ്റ്റ് ചെയ്തിരുന്നു.മുഹമ്മദ് ഷോയിബ്, ഹബീബ് അസ്ഗർ ജമാലി, അബ്ദുൾ റബ്ബ്, വാരിഷ് എന്നിവരാണ് അറസ്റ്റിലായത്.

പിഎഫ്‌ഐയുടെ മൂന്ന് ഓഫീസുകളും സീൽ ചെയ്തിരുന്നു.പോപ്പുലർ ഫ്രണ്ട് ഓഫ് ഇന്ത്യയുടെ ഈ ഓഫീസുകളിൽ നിന്ന് സംശയാസ്പദമായ ചില പ്രവർത്തനങ്ങൾ നടക്കുന്നതായി പോലീസിന് വിവരം ലഭിച്ചു. തുടർന്ന് പോലീസ് മൂന്ന് സ്ഥലങ്ങളിൽ അന്വേഷണം നടത്തി സ്വത്ത് കണ്ടുകെട്ടി. ആഭ്യന്തരമന്ത്രാലയവും ഡൽഹി പോലീസും സ്ഥിതിഗതികൾ നിരന്തരം നിരീക്ഷിച്ചുവരികയായിരുന്നുവെന്ന് അന്വേഷണ സംഘം വ്യക്തമാക്കി.സെപ്തംബറിൽ നടന്ന എൻഐഎ യെ്ഡിൽ 50 ഇടങ്ങളിൽ നിന്ന് 33 പേരെ അറസ്റ്റ് ചെയ്തിരുന്നു.