മുംബൈ/ മഹാരാഷ്ട്രയിൽ വിശ്വാസവോട്ടെടുപ്പ് വ്യാഴാഴ്ച നടക്കാനിരിക്കെ മഹാരാഷ്ട്ര ഗവർണർ ഭഗത് സിങ് കോഷിയാരി സർക്കാരിന് ഭൂരിപക്ഷമില്ലെന്നു കാട്ടി മുഖ്യമന്ത്രി ഉദ്ധവ് താക്കറെക്ക് കത്തയച്ചു. നിങ്ങൾക്കും നിങ്ങളുടെ സർക്കാരിനും സഭയുടെ വിശ്വാസം നഷ്ടപ്പെട്ടെന്നും സർക്കാരിന് ഭൂപരിപക്ഷമില്ലെന്നാണ് വ്യക്തമാകുന്നതെന്നും ഗവർണർ കത്തിൽ വിശദീകരിക്കുന്നു. അതിനാൽ നിയമസഭയുടെ വിശ്വാസത്തോടെയാണ് സർക്കാർ മുന്നോട്ടു പോകുന്നതെന്ന് വിശ്വാസവോട്ടെടുപ്പിലൂടെ തെളിയിക്കണമെന്നും ഗവർണർ ഭഗത് സിങ് കോഷിയാരി പറഞ്ഞിട്ടുണ്ട്.
സർക്കാരിന് നിലവിൽ ഭുരിപക്ഷമില്ലെന്നു കാട്ടി ബിജെപിയുടെയും മറ്റുള്ളവരുടെയും കത്തുകൾ തനിക്ക് ലഭിച്ചിട്ടുണ്ടെന്നും ഗവർണർ അറിയിച്ചു. മഹാ വികാസ് അഘാഡി സഖ്യത്തിൽനിന്ന് പുറത്തുപോകാനാണ് ഭൂരിപക്ഷം എംഎൽഎമാരും ആഗ്രഹിക്കുന്നത്. എന്നാൽ നിങ്ങളുടെ എംഎൽഎമാരെ ജനാധിപത്യപരമല്ലാതെ രീതിയിൽ വിജയിപ്പിക്കാൻ ശ്രമിക്കുകയാണെന്നാണ് മനസ്സിലാകുന്നതെന്നും ഗവർണർ കത്തിൽ പറഞ്ഞിരിക്കുന്നു.
അതേസമയം, മഹാരാഷ്ട്രയിൽ ഉദ്ധവ് താക്കറെ സർക്കാരിനെതിരായ അവിശ്വാസ പ്രമേയത്തിൽ മഹാരാഷ്ട്ര നവനിർമാൺ സേന (എംഎൻഎസ്) ബിജെപിക്ക് പിന്തുണ നൽകും. ബിജെപി നേതാവ് ദേവേന്ദ്ര ഫഡ്നാവിസ് എംഎൻഎസ് സ്ഥാപകൻ രാജ് താക്കറെയുമായി ഫോണിൽ സംസാരിക്കുകയുണ്ടായി. ഇതിനു പിറകെയാണ് രാജ് താക്കറെ തന്റെ നിലപാട് വെളിപ്പെടുത്തിയത്. 288 അംഗ മഹാരാഷ്ട്ര നിയമസഭയിൽ ഒരു എംഎൽഎയാണ് എംഎൻഎസിന് ഉള്ളത്.
നിയമ സഭയിലെ 50 എംഎൽഎമാർ തനിക്കൊപ്പം ഉണ്ടെന്നാണ് വിമത നേതാവ് ഏക്നാഥ് ഷിൻഡെ അവകാശപ്പെട്ടിട്ടുള്ളത്. വിശ്വാസ വോട്ടെടുപ്പിൽ അതിനാൽ തനിക്ക് ഭയമൊന്നുമില്ല. ജയം ഉറപ്പാണ്. ഏക്നാഥ് ഷിൻഡെ പറഞ്ഞു. അതിനിടെ ജയിലിൽ കഴിയുന്ന എൻസിപി നേതാക്കളായ നവാബ് മാലിക്കും അനിൽ ദേശ്മുഖും വ്യാഴ്ച നടക്കാനിരിക്കുന്ന വിശ്വാസവോട്ടെടുപ്പിൽ പങ്കെടുക്കുന്നതിനായി സുപ്രീം കോടതിയുടെ അനുമതി തേടിയിട്ടുണ്ട്.
ടി പി ചന്ദ്രശേഖരൻ വധക്കേസ് പ്രതികൾ സുപ്രീംകോടതിയിൽ. ഹൈക്കോടതി വിധിക്കെതിരെ അപ്പീൽ നൽകി. ഇരട്ട ജീവപര്യന്തം ചോദ്യം ചെയ്ത് ടിപി…
രാജ്യ തലസ്ഥാനത്ത് ശക്തമായ മഴയും ഇടിമിന്നലും. ശക്തമായ മഴയില് വ്യാപക നാശനഷ്ടമാണ് ഉണ്ടായിരിക്കുന്നത്. പലയിടങ്ങളിലും രൂക്ഷമായ വെള്ളക്കെട്ടാണ് അനുഭവപ്പെടുന്നത്. ഇതിനിടെ…
ഡൽഹിയിലെ തന്റെ വീടിന് നേരെ അജ്ഞാതർ കരി ഓയിൽ ഒഴിച്ചെന്ന് എഐഎംഐഎം നേതാവും എംപിയുമായ അസദുദ്ദീൻ ഒവൈസി. സമൂഹമാദ്ധ്യമമായ എക്സിലൂടെയാണ്…
നടൻ സിദ്ധിഖിന്റെ മകൻ റാഷിന്റെ വിയോഗത്തിൽ വികാരഭരിതനായി നടൻ മമ്മൂട്ടി. ഫേസ്ബുക്ക് അക്കൗണ്ടിലൂടെ ഹൃദസസ്പർശിയായ ഒറ്റവരി കുറിപ്പും മമ്മൂട്ടി പങ്കുവച്ചു.…
സംസ്ഥാനത്ത് ഇന്നും മഴയ്ക്ക് സാധ്യതയെന്ന് കാലാവസ്ഥ വകുപ്പ്. ഇടുക്കി, എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട്…
തലശേരിയിൽ വൻ മയക്ക് മരുന്ന് വേട്ട.എം.ഡി.എം.എയും കഞ്ചാവുമായി വടക്കുമ്പാട് സ്വദേശികളായ നൗഫൽ, സൽസബീർ, ഷമ്മാസ് കൊളശ്ശേരി സ്വദേശി സഫ്വാൻ എന്നിവരാണ്…